နေခရမ်း: မိုးပျံပူဖောင်းကြီးများ စီတန်းလှည့်လည်ပွဲ

Sunday, January 5, 2020

မိုးပျံပူဖောင်းကြီးများ စီတန်းလှည့်လည်ပွဲ

အမေရိကန်နိုင်ငံ၊ နယူးယောက်မြို့လမ်းမထက်၌ ပုံစံအမျိုးမျိုးဖြင့် ကြီးမားလှတဲ့ မိုးပျံပူဖောင်းကြီးများကို လူအများမှ ထိန်းကျောင်းလှည့်လည်ခဲ့ပါတယ်။

၂၀၁၉ ခုနှစ် နိုဝင်ဘာလ ၂၈ ရက်နေ့တွင် Macy ရဲ့ ကျေးဇူးတော်နေ့ အထိမ်းအမှတ်အဖြစ် ထိုကဲ့သို့ လှည့်လည်ပွဲကို ကျင်းပခဲ့သည်မှာ ၉၃ ကြိမ်မြောက် ရှိလာပါပြီ။

ထိုစည်ကားလှတဲ့ ပွဲတော်ကြီးကို ရိုးရာအထိမ်းအမှတ်အဖြစ် နှစ်စဉ်ကျင်းပခဲ့ပါတယ်။ ၁၉၂၄ ခုနှစ်တွင် စတင်ကျင်းပခဲ့ပြီး မိုးပျံပူဖောင်းများထည့်သွင်း လှည့်လည်ပြသခြင်းကိုတော့ ၁၉၂၇ ခုနှစ်တွင် စတင်ခဲ့ပါတယ်။
နောက်ပိုင်းနှစ်များတွင် ခေတ်နဲ့အညီ သီဆိုဖျော်ဖြေ ကခုန်ကြရင်း ပျော်ရွှင်ဖွယ် စီတန်းလှည့်လည်ကြပါတယ်။
လူအများမှ တပျော်တပါး ပါဝင်ဆင်နွဲလေ့ရှိပြီး ၂၀၁၉ ခုနှစ်တွင် လူ ၃ သန်းကျော် လာရောက်ဆင်နွဲခဲ့ကြပါတယ်။