Showing posts with label ထူးဆန်းနေရာများ. Show all posts
Showing posts with label ထူးဆန်းနေရာများ. Show all posts

Tuesday, February 4, 2020

စိတ်ဝင်စားဖွယ် ရေအောက်စတူဒီယို

အခုတင်ပေးမယ့် ရေအောက်စတူဒီယိုကတော့ ရုပ်ရှင်များ၊ တီဗွီအစီအစဉ်များမှာ ပါဝင်တဲ့ ရေအောက်ပြကွက်များ၊ ဇာတ်ဝင်ခန်းများအတွက် အထူးရည်ရွယ် တည်ဆောက်ထားတာပါ။
ဗြိတိန်နိုင်ငံ၊ Buckinghamshire၊ Iver မြို့မှာတည်ရှိပြီး Pinewood Studios ရဲ့ ရေအောက်စတူဒီယို၊ စတိတ်စင် ဖြစ်ပါတယ်။ ဥရောပရဲ့ ပထမဆုံးနဲ့ တစ်ခုတည်းရှိတဲ့ အဆောက်အဦတစ်ခုပါ။

ထိုရေအောက်မှာတော့ စတိတ်စင်၊ ရေအောက် ကမ္ဘာပုံစံငယ်များ၊ အိမ်ခန်းများ စသည်ဖြင့် ရုပ်ရှင်ရိုက်ကွင်းနဲ့ ဓာတ်ပုံ စတူဒီယိုအတွက် လိုအပ်သည်များကို ထည့်သွင်းပေးထားပါတယ်။ ထို့ပြင် ရေငုပ်ရာတွင် လိုအပ်သည့်ပစ္စည်းများနဲ့ ရိုက်ကွင်းတစ်ခုအတွက် လိုအပ်သည်များကို ဖြည့်ဆည်းပေးလေ့ရှိပါတယ်။

Wednesday, January 29, 2020

ရေညှိပင်တွေဖုံလွှမ်းနေတဲ့ အစိမ်းရောင်ကမ်းခြေ

ကမ်းခြေတစ်ခုလုံး အစိမ်းရောင်တောက်တောက်ဖြင့် တွေ့မြင်ရမယ့် ကမ်းခြေတစ်ခု ဖြစ်ပါတယ်။ ပင်လယ်ရေညှိရေမှော်များဟာ ကမ်းခြေတစ်လျောက် များပြားစွာ တည်ရှိနေပြီး ခရီးသွားပြည်သူများ ပျော်ရွှင်စွာ ဆော့ကစားနေကြပါတယ်။
ထိုအစိမ်းရောင်ကမ်းခြေသည် တရုတ်နိုင်ငံ အရှေ့ပိုင်း ပင်လယ်ဝါရှိ Qingdao ကမ်းခြေတွင် ဖြစ်ပေါ်နေခြင်း ဖြစ်ပါတယ်။ ထိုကမ်းခြေတွင် ရှေးကတည်းက တန်ပေါင်းများစွာသော ရေညှိပင်များသည် နှစ်စဉ်သောင်တင်လာလေ့ ရှိပါတယ်။

Sunday, January 5, 2020

ကမ္ဘာ့သံလိုက်စက်ကွင်းဝင်ရိုး ရုရှားဆီသို့ ရွေ့လျားနေပြီး သိပ္ပံပညာရှင်များအတွက် ပဟေဠိ ဖြစ်နေ



ဒီဇင်ဘာ ၁၉ ၂၀၁၉။     ။ ကမ္ဘာ့လမ်းပြစနစ်အဖြစ် ဖွဲ့တည်နေပြီး နေလေ(solar win‌d) များ၏ အန္တရာယ်မှ ကာကွယ်ပေးသော ကမ္ဘာ့သံလိုက်စက်ကွင်းဝင်ရိုးသည် ပုံမှန်သဘာဝဖြစ်စဉ်အတိုင်း မဟုတ်ဘဲ ရွေ့လျားလျက် ရှိနေသည်။
မြောက်ဝင်ရိုးစွန်း သံလိုက်စက်ကွင်းသည်  ၁၈၃၁ ခုနှစ်မှ စတင်ကာ ကနေဒီယန်အာတိတ်ဒေသမှ ရုရှားဆီသို့ တဖြေးဖြေးချင်း ရွေ့လျားနေခဲ့ခြင်းဖြစ်သည်။

Thursday, January 2, 2020

အဲလ်တောင်တန်းမှ ရေခဲမြစ်နှင့် ရေခဲလှိုဏ်ဂူကြီး

ဆွစ်ဇာလန်နိုင်ငံ၊ Valais ရှိ နာမည်ကျော် ရေခဲနေတဲ့ အဲလ်တောင်တန်းများကြားမှ ရေခဲမြစ်ဖြစ်ပါတယ်။ Aletsch အမည်ရ ရေခဲမြစ်ကြီးသည် အဲလ်တောင်တန်း ရေခဲမြစ်များတွင် အကြီးဆုံးဖြစ်သလို ဥရောပတိုက်ရဲ့ အကြီးဆုံးရေခဲမြစ်များတွင် တစ်ခုအပါအဝင် ဖြစ်ပါတယ်။
သဘာဝအလှအပများနဲ့ ကျော်ကြားလှတဲ့ အဲလ်တောင်တန်းတွင် ရေခဲမြစ်ကြီးနှင့်အတူ ဖြစ်တည်နေသော ရေခဲလှိုဏ်ဂူရဲ့ ပုံများကို တင်ပေးမှာပါ။

Wednesday, October 30, 2019

ကမ္ဘာ့ အန္တရာယ်အများဆုံး တောင်တက်လမ်းနှင့် ဟွာရှန်းတောင် ဘုရားကျောင်းများ

တရုတ်နိုင်ငံမှ ဟွာရှန်းတောင် တောင်တက်လမ်းကို ကမ္ဘာပေါ်တွင် သွားလာရခက်ခဲသလို အန္တရာယ်များလွန်းလှတဲ့ တောင်တက်လမ်းအဖြစ် သတ်မှတ်ကြပါတယ်။ ကျဉ်းမြောင်းမတ်စောက်တဲ့ တောင်တက်လမ်းများနှင့်အတူ တောင်ကမ်းပါးယံကို ခက်ခက်ခဲခဲ ဖြတ်သန်းကြရသဖြင့် တက်ဖို့မပြောနဲ့ တွေ့မြင်ရယုံနှင့်ပင် အသဲတယားယား ရင်တဖိုဖို ဖြစ်ကြရပါတယ်။ ထို့ပြင် တောင်ကမ်းပါးယံများပေါ်တွင် ခက်ခက်ခဲခဲ တည်ဆောက်ထားကြတဲ့ နှစ်ထောင်ချီသက်တမ်းရှိ ဘုရားကျောင်းများကြောင့်လည်း နာမည်ကျော်ကြားလှပါတယ်။ ထိုတောင်တက်လမ်းသည် တရုတ်နိုင်ငံ၊ Shaanxi ပြည်နယ်ရှိ ဟွာရှန်းတောင် (Mt. Huashan) မှ ဘုရားဖူး ခရီးစဉ် တစ်ခုပင် ဖြစ်ပါတယ်။

ဟွာရှန်းတောင်သည် တရုတ်နိုင်ငံ ယဉ်ကျေးမှုရဲ့ဦးဆောင်ဒေသအဖြစ် စံတင်ရသည့် နေရာတစ်ခုဖြစ်သလို တရုတ်နိုင်ငံရဲ့ အကျော်ကြားဆုံးနှင့် အရေးအပါဆုံး တောင်ငါးလုံးတွင် တစ်ခုအပါအ၀င် ဖြစ်ပါတယ်။ ပေ ၇၀၀၀ ကျော် (2,160 m) မြင့်သော တောင်တက်ခရီးစဉ် တစ်ခုဖြစ်ပြီး ခက်ခဲလှတဲ့ တောင်တက်လမ်းများကို ဖြတ်သန်းကြရမည် ဖြစ်ပါတယ်။ ကမ္ဘာ့ အန္တရာယ်အများဆုံး တောင်တက်လမ်းဖြစ်ပေမယ့် လမ်းတစ်လျောက် သာယာလှပလှတဲ့ ရှုခင်းများ ၊ ရှေးဟောင်း ဘုရားကျောင်းဆောင်များ ၊ သမိုင်းဝင် ဇာတ်လမ်းများနဲ့ မမေ့နိုင်တဲ့ ခရီးစဉ်တစ်ခု ဖြစ်စေမှာပါ။

ဟွာရှန်းတောင်ဟာ တောင်ထွတ် ၅ခုရှိပြီး ပန်းပွင့်ပုံသဏ္ဍာန်အဖြစ် တည်နေပါတယ်။ တောင်ထိပ်တစ်ခုစီမှာ ဘာသာရေးကျောင်းဆောင် တစ်ခုစီတည်ထားပြီး တစ်ခုနဲ့တစ်ခု ကူးသန်းသွားရောက်ဖို့ လမ်းတွေဖောက်ထားခြင်း ဖြစ်ပါတယ်။ ခက်ခဲပြီး ကြောက်မက်ဖွယ် တောင်တက်လမ်းပိုင်းများ တည်ရှိနေပေမယ့် တောင်တက်ဝါသနာပါသူများအနေနဲ့ လာရောက်လည်ပတ်တတ်တဲ့ နေရာတစ်နေရာ ဖြစ်ပါတယ်။

Wednesday, October 16, 2019

သုံးနိုင်ငံနယ်စပ်ရှိ ထိပ်ပြားနေသော တောင်ကြီး

     Mount Roraima အမည်ရှိ တောင်ကြီးဟာ ထိပ်ပြားနေသော ပုံစံကြောင့် ကျော်ကြားလှပါတယ်။ တောင်အမေရိကတိုက်ရဲ့ tepui ကုန်းမြင့်တောင်တန်းများရဲ့ အမြင့်ဆုံးတောင်အဖြစ် တည်ရှိနေပါတယ်။ ထိုထိပ်ပြားနေတဲ့တောင်ကြီး တည်ရှိရာနေရာဟာ ဗင်နီဇွဲလား ၊ ဘရာဇီး နဲ့ ဂူရာနာနိုင်ငံတို့ရဲ့ သုံးနိုင်ငံနယ်စပ်မှာ ရှိနေတာပါ။

     ၁၅၉၅ ခုမှာအင်္ဂလိပ်လူမျိုး Sir Walter Raleigh ကစတင်တွေ့ ရှိခဲ့ပါတယ်။ ပင်လယ်ရေမျက်နှာပြင်အထက် 2,810 m (9,220 ပေ) အမြင့်ရှိပါတယ်။ တောင်ထိပ်ဟာ ၃၁ စတုရန်းကီလိုမီတာ (၁၂ စတုရန်းမိုင်) အထိကျယ်ဝန်းပါတယ်။ ထိပ်ပြားနေတဲ့ တောင်ထိပ်ပိုင်း အနားသတ်ချောက်ကမ်းပါးများဟာ 400 metres (1,300 ပေ) အမြင့် ရှိပါတယ်။ ဒါကြောင့်ပင် ထိပ်ပြားပြား တောင်ကြီးကို ထင်ထင်ရှားရှား တွေ့မြင်ရစေပါတယ်။

     ကမ္ဘာမှာ ထိုကဲ့သို့ ထူးထူးခြားခြား ထိပ်ပြားနေတဲ့ တောင်ကြီးများ ရှိပါတယ်။ အထူးသဖြင့် တောင်အာဖရိကမှ Table Mountain ဟာ ကျော်ကြားလှပါတယ်။ ယခု Mount Roraima တောင်ကြီးဟာ ပိုမြင့်သလို ထိပ်ပြားနေသော တောင်များတွင် အကြီးဆုံးလို့လည်း ဆိုကြပါတယ်။

Friday, October 11, 2019

ကန္တာရအလယ်မှ လခြမ်းပုံရေကန်ရဲ့ ထူးခြားမှု

သဲကန္တာရအတွင်း၌ စိမ်းစိုသာယာလှတဲ့ အိုအေစစ်လေးများကို တွေ့မြင်ဖူးကြမှာပါ။ ယခုအိုအေစစ်လေးကတော့ လခြမ်းပုံပေါ်နေတဲ့ ရေကန်လေးရဲ့ အလှအပနဲ့ ရှေးဟောင်း ဘုရားကျောင်းဆောင်များကြောင့် ကမ္ဘာကျော်နေရာတစ်နေရာအဖြစ် တည်ရှိနေပါတယ်။ ထိုလခြမ်းပုံရေကန်ဟာ တရုတ်နိုင်ငံ အနောက်မြောက်ပိုင်း၊ Gansu ပြည်နယ်ရှိ Dunhuang မြို့မှ ၆ကီလိုမီတာ အကွာ ၊ Echoing-Sand သဲသောင်တန်းကြီးရဲ့ တစ်ဖက်မှာ သဘာဝအတိုင်း ဖြစ်ပေါ်နေခြင်းပါ။
လခြမ်းပုံရေကန်ဟာ သဘာဝ သဲတောင်ခုံ ၊ တောင်တန်းများရဲ့ အလယ် အနိမ့်ပိုင်းမှာ တည်ရှိနေတာပါ။ လွန်ခဲ့သော နှစ် ၂၀၀၀ လောက်ကတည်းက တည်ရှိနေခဲ့တဲ့ ရှေးဟောင်းရေကန် ဖြစ်ပါတယ်။ Qing မင်းဆက်ခေတ်မှာ ထိုရေကန်ကို Yueyaquan ဟု အမည်ပေးခဲ့ကြပါတယ်။ ထိုရေကန်မှရေများသည် တစ်နှစ်ပတ်လုံး ခန်းခြောက်ခြင်း မရှိဘဲ အမြဲစိမ်းစိုနေပါတယ်။
လခြမ်းပုံရေကန်ဟာ အရှေ့မှ အနောက်သို့ ၂၁၈ မီတာ ရှည်လျားပြီး အနံ ၅၄မီတာ ကျယ်ဝန်းပါတယ်။ တစ်နှစ်လုံး ရေမခန်းဘဲ အမြဲစိမ်းစိုနေတယ် ဆိုပေမယ့် ယခုနောက်ပိုင်း ကမ္ဘာကြီးပူနွေးလာမှုကြောင့် ရေကန်ကြီးရဲ့ တည်ရှိမှုဟာလည်း ပြောင်းလဲလာခဲ့ရပါတယ်။ ၁၉၆၀ ခုနှစ်တွင် ရေကန်ရဲ့ ပျှမ်းမျှ အနက်ဟာ ၄ မီတာ မှ ၅ မီတာခန့် ရှိပြီး အနက်ဆုံးနေရာမှာ ၇.၅ မီတာ (၂၅ ပေ) လောက် ရှိခဲ့ပါတယ်။ ဒါပေမယ့် ၁၉၉၀ ခုနှစ်မှာတော့ ပျမ်းမျှအနက် ၀.၉ မီတာနဲ့ အနက်ဆုံးနေရာမှာတော့ ၁.၃ မီတာလောက်သာ ကျန်ရှိပါတော့တယ်။ နှစ် ၃၀ အတွင်း ရေအနက် သိသိသာသာ ကျဆင်းမှု ဖြစ်ပေါ်ခဲ့ရပါတယ်။ ယခုအကျယ်အ၀န်းအားဖြင့် ၁.၃၇ ဧက (0.55 ha) ရှိပါတယ်။

Thursday, October 10, 2019

ပင်လယ်ပြင်အတွင်းမှ အပြာရောင်တွင်းပေါက်ကြီး

၂၀၁၂ ခုနှစ်တွင် ကမ္ဘာကျော် Discovery ရုပ်သံလိုင်းမှ ကမ္ဘာ့အံ့ဖွယ် ထူးဆန်းလွန်းသော နေရာ (၁၀) နေရာတွင် တစ်ခုအပါအ၀င်အဖြစ် သတ်မှတ်ခံရတဲ့ တွင်းပေါက်ကြီးပါ။ အပေါ်စီးမှကြည့်ရင် ပင်လယ်ပြင်အတွင်း ကြီးမားကျယ်ဝန်းလှတဲ့ အ၀ိုင်းပုံစံ တွင်းပေါက်ကြီးတစ်ခုကို ထင်ရှားစွာ တွေ့မြင်ရမှာပါ။

ထိုအပြာရောင်တွင်းပေါက်ကြီးကတော့ ဘီလီဇီး ပင်လယ်ပြင်အတွင်း သန္တာကျောက်တန်းများ ၀န်းရံပြီး တည်ရှိနေပါတယ်။ ရှည်လျားလှတဲ့ သန္တကျောက်တန်းများအလယ်လောက်မှာ စက်ဝိုင်းပုံစံ သဘာဝအတိုင်း တည်ရှိနေတာပါ။

ထိုတွင်းပေါက်ကြီးဟာ ဘီလီဇီးမြို့တော်ကုန်းမကြီးရဲ့ ပင်လယ်ကမ်းရိုးတန်းမှ 70 km (43 မိုင်) အကွာတွင် ရှိနေပါတယ်။ တိုင်းတာချက်များအရ ကန့်လန့်ဖြတ်အကျယ် 300 m (984 ပေ) နဲ့ 124 m (407 ပေ) အထိ ရေအောက်နက်ပါတယ်။

Friday, September 13, 2019

သာယာအေးချမ်းလှသည့် မော်တင်စွန်းခရီးစဉ် (သို့) ပင်လယ်ကမ်းခြေမှ ရတနာတစ်ပါး

     ငယ်စဉ်ကတည်းကပင် အဆိုတော်သန်းထွန်းလေးသီချင်းကြောင့် မော်တင်စွန်းစေတီကို ကြားသိရင်းနှီးဖူးကြမှာပါ။ အများအားဖြင့် ဧရာဝတီတိုင်းမှာ ရှိတယ်၊ ဆံတော်ရှင် စေတီတစ်ဆူဖြစ်တယ် ဆိုတာလောက်ပဲ သိရှိခဲ့ကြပါတယ်။ ဒါပေမယ့် မော်တင်စွန်းစေတီနှင့် တည်ရှိရာ နေရာဒေသဟာ မြန်မာ့ပထ၀ီဆိုင်ရာ အရေးပါနေရုံသာမက ဘာသာသာသနာရဲ့ မှတ်တိုင်အဖြစ်ပါ အထင်အရှား တည်ရှိနေပါတယ်။
     ယခုစာစုမှာ မြတ်မော်တင်စွန်း ဘုရားဖူးခရီးစဉ်၊ သမိုင်းအကျဉ်းချုပ် နှင့်အတူ ခရီးစဉ်များဖြစ်တဲ့ ငွေတောင်ကမ်းခြေနဲ့ ဟိုင်းကြီးကျွန်းခရီးစဉ်များကိုပါ အနည်းငယ်စီ တင်ပြပေးချင်ပါတယ်။ မော်တင်စွန်းစေတီတော်သည် ဧရာဝတီတိုင်းဒေသကြီး၊ ငပုတောမြို့နယ်အပိုင်ထဲတွင် ရှိကာ ပုသိမ်မြို့မှ ၉၆ မိုင် ၊  ရန်ကုန်မြို့မှဆိုရင် ၂၅၈ မိုင်ကွာဝေးပါတယ်။

     မော်တင်စွန်းစေတီတည်ရှိရာ ကုန်းတော်အရပ်သည် မြေပုံပေါ်မှာ ကြည့်ပါက ပင်လယ်ထဲသို့ အစွန်ဆုံးထိုးထွက်နေတဲ့ အငူဖြစ်ပါတယ်။တနည်းအားဖြင့် မြန်မာနိုင်ငံကုန်းမကြီးရဲ့ အနောက်တောင်ဘက်စွန်းမှာ တည်ရှိနေတာပါ။ ပထ၀ီဆိုင်ရာ အချက်များအရ ကပ္ပလီပင်လယ် (Andaman Sea) နှင့် အနာက်ဘက် ဘင်္ဂလားပင်လယ်အော် (Bay of Bengal) တို့ ထိစပ်ရာနေရာလေး ဖြစ်ပြီး ပင်လယ်နှစ်ခုကို တစ်ပြိုင်တည်း တွေ့မြင်နိုင်ပါတယ်။
     ထို့ပြင် ရခိုင်ကမ်းရိုးတန်း နှင့် ဧရာဝတီ မြစ်ဝကျွန်းပေါ်ဒေသတို့ ပေါင်းဆုံသည့် နေရာတွင် ရှိတဲ့ အငူစွန်းလေးဖြစ်ပါတယ်။ အနောက်ရိုးမတောင်တန်းများနဲ့ လှိုင်းတဖွေးဖွေး ပင်လယ်ပြင်ကြီးကို တစ်နေရာတည်း ရှု့မြင်နိုင်တဲ့ နေရာပါ။

Photo:Internet
     မော်တင်စွန်းစေတီတော်ရဲ့ သမိုင်းအကျဉ်းမှာ မြတ်စွာဘုရားသခင် ဘုရားအဖြစ်ကိုရ၍ လင်းလွန်းပင်ရင်း၌ စံပါယ်တော်မူစဉ် တဖုဿနှင့်ဘလ္လိက ကုန်သည်ညီနောင်တို့အား ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ ဟူသော ဒွေဝါစိက သရဏဂုံတည်စေ၍ မဟာသက္ကရာဇ် ၁၀၃ခု၊ ဝါဆိုလဆန်း ၅ - ရက်နေ့တွင် ဆံတော်မြတ်ရရှစ်ဆူကို ပေးသနားတော်မူခဲ့ပါသည်။ ညီနောင်တို့ ဆံတော်ပင့်လာသည့်
အပြန်ခရီးတွင် အဇ္ဈတ္တနာဂရမြို့သို့ ဆိုက်ရောက်ရာ ဘုရင်က ဆံတော်နှစ်ဆူကို ပင့်ယူထားလိုက်သည်။ ထိုမှခရီးဆက်ခဲ့ရာ ကုသိမ နဂရ (ပုသိမ်) တောင်ပိုင်း နာဂရာဇ်မှော်ခေါ် သရနတောင်စွန်း (ဝါ) မော်တင်စွန်းအရောက်တွင် ဇေယျသေနနဂါးမင်းက ဆံတော်နှစ်ဆူကိုရယူ၍ မဟာသက္ကရာဇ် ၁၀၃ခု၊ ဝါဆိုလပြည့်နေ့တွင် ပင်လယ်တွင်းမှရရှိသည့် မြသားဖြင့် စိုင်တမော့အရွယ် စေတီကို တည်ထားကိုးကွယ်ခဲ့ပါသည်။

Sunday, April 7, 2019

ထူးခြားလှပလွန်းတဲ့ အန်တယ်လုပ်ချောက်ကမ်းပါးကြီး

အရောင်စုံတောက်ပနေပြီး အကွေ့အကောက် အချိုးအကွေ့များနဲ့ တစ်ခြားကမ္ဘာတစ်ခု ရောက်ရှိနေသလို ခံစားရမယ့် ချောက်ကမ်းပါးကြီးတစ်ခု ဖြစ်ပါတယ်။ ထိုချောက်ကမ်းပါးကြီးကတော့ အမေရိကန်နိုင်ငံ၊ အနောက်တောင်ပိုင်းရှိ အရီဇိုးနားပြည်နယ်ထဲမှာ တည်ရှိနေပါတယ်။ ချောက်ကမ်းပါးကြီးရဲ့ လှပသော ပုံများကြောင့် ကမ္ဘာ့အလှဆုံးနေရာ တစ်နေရာအဖြစ်လည်း သတ်မှတ်ကြပါတယ်။ အရစ်အရစ် လှိုင်းတွန့်ပုံစံ ချောက်ကမ်းပါးနံရံများဟာ အပေါ်မှကျဆင်းလာသော နေရောင်ကြောင့် အရောင်စုံတောက်ပနေတာ တွေ့မြင်ရမှာပါ။

Antelope ချောက်ကမ်းပါးကြီးဟာ အပိုင်းနှစ်ပိုင်း ရှိပါတယ်။ အထက်ပိုင်း အန်တယ်လုပ်ချောက်ကမ်းပါး (The Crack) နဲ့ အောက်ပိုင်း အန်တယ်လုပ်ချောက်ကမ်းပါး (The Corkscrew) ဆိုပြီး နေရာ နှစ်နေရာ ကွဲနေပါတယ်။ ချောက်ကမ်းပါးကြီးဟာ ကျဉ်းမြောင်းမက်စောက်နေသလို အပေါ်မှကြည့်ရင် အက်ကြောင်းတစ်ခုလို တည်ရှိနေတာပါ။ အတွင်းဘက် အောက်ခြေရောက်မှ လှပဆန်းပြားမှုများကို တွေ့မြင်ခံစားရမှာပါ။

လွန်ခဲ့သော နှစ်သန်းပေါင်းများစွာထဲက သဘာဝရေတိုက်စားမှုကြောင့် ယခုကဲ့သို့ ဖြစ်တည်နေတာပါ။ အမေရိကန်နိုင်ငံတွင် ဂရင်းကန်ညွန် ချောက်ကမ်းပါးကဲ့သို့ ကမ္ဘာ့အကြီးဆုံး ချောက်ကမ်းပါးကြီးလည်း တည်ရှိနေပါတယ်။ ယခု အန်တယ်လုပ်ချောက်ကမ်းပါးကလည်း အတွင်း၌ လှပဆန်းပြားမှုများကြောင့် ကမ္ဘာကျော်လာရပါတယ်။

Sunday, March 31, 2019

ကမ္ဘာ့အကျော်ကြားဆုံး ရုပ်တုကြီးများ

     ကမ္ဘာတစ်လွှား ထင်ရှား ကျော်ကြားဆုံး ရုပ်တုများအကြောင်းကို တင်ပြပေးပါမယ်။ နိုင်ငံတိုင်းမှာ အထင်ကရ ရုပ်တုကြီးများ တည်ရှိနေတတ်ပါတယ်။ ခေတ်အဆက်ဆက် ၊ သမိုင်းအဆက်ဆက် ၊ အကြောင်းအရာမျိုးစုံနှင့် ထုလုပ်ခဲ့သော အရုပ်ကြီးများသည် ယခုအခါတွင် သမိုင်းရဲ့တန်ဖိုး ၊ အနုပညာနှင့် ဗိသုကာပညာပိုင်း မြင့်မားမှုကို ပြသနေကြပါတယ်။
     ထိုရုပ်တုကြီးများဟာ လူသားသမိုင်း နှင့် ယဉ်ကျေးမှု အဆင့်အတန်းအတွက် အလွန်ပင်အရေးပါနေပါတယ်။ နောက်လူတို့ လိုက်လုပ်ဖို့ပင် မလွယ်လောက်သော ဗိသုကာပညာရပ်များကိုလည်း တွေ့မြင်ရမည် ဖြစ်ပါတယ်။

(၁) Statue of Liberty, New York, United States

     အမေရိကန်နိုင်ငံမှ လေဘာတီရုပ်တုကြီးသည် ကမ္ဘာကျော် အရုပ်ကြီးဖြစ်ယုံသာမက လွတ်လပ်ခြင်းအတွက် အထိမ်းအမှတ်အဖြစ်လည်း သတ်မှတ်ထားကြပါတယ်။ ပြင်သစ်နိုင်ငံမှ အမေရိကန်နိုင်ငံ လွတ်လပ်ခြင်း နှစ် ၁၀၀ ပြည့် အထိမ်းအမှတ်အနေနဲ့ လက်ဆောင်ပေးထားခြင်းပါ။
     ၁၈၈၆ ခု အောက်တိုဘာလ ၂၈ ရက်နေ့တွင် တည်ဆောက်ဖွင့်လှစ်နိုင်ခဲ့ပါတယ်။ အမေရိကန်နှင့် လေဘာတီရုပ်တုကြီး တွဲလျက်မြင်ရအောင်အထိ ကျော်ကြားလှပါတယ်။ ရုပ်တုကြီးရဲ့ အစိတ်အပိုင်း အသီးသီးတွင် အဓိပ္ပါယ်များစွာ ပါဝင်နေပါတယ်။ လေဘာတီရုပ်တုကြီးအကြောင်း နေခရမ်း Page တွင် သီးခြားတင်ပေးဖူးပါတယ်။

(၂) Christ the Redeemer, Rio de Janeiro, Brazil

     ဘရာဇီးနိုင်ငံ ၊ ရီယိုဒီဂျနီယိုမြို့သို့ရောက်ရှိသည်နှင့် အထက်ကို မော့ကြည့်ပါက ရက်ဒီမာ ခရစ်တော် ရုပ်တုကြီး အပေါ်မှ မိုးကြည့်နေတာကို တွေ့မြင်ရမှာပါ။ ထို ရက်ဒီမာ ခရစ်တော် ရုပ်တုကြီးဟာ ကမ္ဘာ့အမြင့်ဆုံး ခရစ်တော်ရုပ်တုကြီးများတွင် တစ်ခုအပါအ၀င် ဖြစ်ပါတယ်။
     ရုပ်တုကြီးသည် ၃၀ မီတာ (၉၈ ပေ) မြင့်ပြီး အောက်ခံခုံမှာ ၈ မီတာ (၂၆ ပေ) မြင့်ပါတယ်။ အကျယ်အားဖြင့် ၂၈ မီတာ (၉၂ ပေ) ကျယ်ပါတယ်။ ၁၉၂၆ မှ ၁၉၃၁ ခုနှစ်အတွင်း တည်ဆောက်ခဲ့ပါတယ်။

Friday, March 29, 2019

ကယားပြည်နယ်မှ စိတ်ဝင်စားဖွယ် အောင်သပြေဂူ

ကယားတို့ဌာနေ ငွေတောင်ပြည်ကတော့ စိတ်ဝင်စားစရာတွေ ပြည့်နှက်နေတဲ့ ပြည်နယ်တစ်ခုပါ။ ပွင့်လင်းလာသော အခြေအနေနဲ့အတူ ခရီးသွားများရဲ့ အထူးတလည် လည်ပတ်စရာ ဒေသတစ်ခု ဖြစ်လာခဲ့ပါပြီ။ ကျွန်တော်အနေနဲ့ သဘာဝအလှများနဲ့အတူ စိတ်ဝင်စားစရာ ခရီးစဉ်တစ်ခုအဖြစ် လွိုင်ကော်မြို့အနီးမှ အောင်သပြေလှိုဏ်ဂူအကြောင်း တင်ပြပေးပါမယ်။

အောင်သပြေလှိုဏ်ဂူဟာ ကယားပြည်နယ်၊ လွိုင်ကော်မြို့မှ ဆီဆိုင်၊ တောင်ကြီးသွားကားလမ်းမှ ဘေးမှာ တည်ရှိနေပါတယ်။ ထီးစဲခါးရေတံခွန် အသွားလမ်းပေါ်မှာပါ။ လွိုင်ကော်မြို့မှ ၈ မိုင်ခန့်အကွာတွင် တည်ရှိနေပြီး ကားနဲ့ဆိုရင် မိနစ် ၃၀ ခန့်မောင်းရပါမယ်။ လမ်းကောင်းပါတယ်။ ဆီဆိုင်လမ်းခွဲမှ ၀င်ပြီး မကြာခင်တွင် အောင်သပြေလှိုဏ်ဂူသို့ဆိုတဲ့ ဆိုင်းဘုတ်ကို တွေ့ရမှာပါ။ ထိုဆိုင်းဘုတ်လမ်းခွဲသို့ မောင်းဝင်လိုက်သည်နဲ့ အောင်သပြေဂူတည်ရှိရာ တောင်ကမ်းပါးယံကြီးကို တွေ့မြင်ရမှပါ။

အောင်သပြေလှိုဏ်ဂူရှိရာ တောင်ပေါ်သို့ကြည့်လိုက်လျှင် တဖတ်၌ လက်ဝါးကပ်တိုင်ရှိနေပြီး အခြားတဖက်တွင် စေတီတစ်ဆူတည်ရှိနေတာကို တွေ့ရမှာပါ။ လှိုဏ်ဂူရှိရာ တောင်ရဲ့အရှေ့ဘက်ရွာများသည် ခရစ်ယာန်ကိုးကွယ်တဲ့ရွာနဲ့ ဗုဒ္ဓဘာသာကိုးကွယ်တဲ့ရွာဆိုပြီး အသီးသီးရှိကြတယ်လို့ ဆိုပါတယ်။ အေးအေးချမ်းချမ်းဖြင့် နေထိုင်လုပ်ကိုင်စားသောက်ကြပါတယ်။ အောင်သပြေလှိုဏ်ဂူကတော့ စေတီရှိရာ တောင်တစ်ထက်ခြမ်းရဲ့ တောင်အောက်ခြေမှာ တည်ရှိနေတာပါ။ အဝေးမှကြည့်ရင် လှိုဏ်ဂူပေါက်ဝကို မမြင်ရသလောက်ပါပဲ။

Sunday, March 24, 2019

အမေဇုန်တောနက်ထဲက ပွတ်ပွတ်ဆူနေသော မြစ်တစ်စင်း

တောင်အမေရိကတတိုက်ရှိ အမေဇုန်တောကြီးဟာ အသိရခက်သော သဘာဝဆန်းကြယ်များ ပေါများစွာ တည်ရှိနေတဲ့ အရပ်ပါ။ ယနေ့အချိန်အထိ ပညာရှင်အများ လေ့လာသုတေသန ပြုနေရတဲ့ တောနက်ကြီး ဖြစ်သလို လေ့လာစရာ မြောက်များစွာလည်း ကျန်ရှိနေပါသေးတယ်။ ယခု ပူလောင်နေတဲ့ မြစ်ကြီးတစ်စင်းဟာလည်း ပီရူးနိုင်ငံပိုင်နက်အတွင်းရှိ အမေဇုန်တောနက်ကြီးထဲမှာ ရှိနေတာပါ။ ဋ္ဌာနေတိုင်းရင်းသားများရဲ့ ဒဏ္ဍာရီပုံပြင်များထဲမှာ ပါရှိနေတဲ့ ထိုမြစ်ပူကြီးဟာ ယခင်က ရှာဖွေတွေ့ရှိခဲ့ခြင်း မရှိပါဘူး။ ဒဏ္ဍာရီ လိုလို ပုံပြင် လိုလိုအဖြစ်သာ တည်ရှိနေခဲ့တာပါ။ ဒါပေမယ့် Adres Ruzo အမည်ရှိ Southern Methodist University မှာ ဒေါက်တာဘွဲ့ယူနေတဲ့ ဘူမိရူပဗေဒ ကျောင်းသားလေးမှ ကြိုးကြိုးစားစား ၊ ခက်ခက်ခဲခဲ ရှာဖွေတွေ့ရှိခဲ့ပါတယ်။

Ruzo ဟာ သူငယ်စဉ်က ရေနွေးပူတွေ စီးဆင်းနေတဲ့ မြစ်တစ်ခုရှိတဲ့ အကြောင်းကို သူ့အဘိုးပြောတာ ကြားဖူးနေခဲ့ပါတယ်။ ဒါကြောင့်ပဲ သူအရွယ်ရောက်ပြီး ဘူမိရူပဗေဒ ကျောင်းသားဖြစ်လာချိန် ဒေါက်တာဘွဲ့အတွက်ကြိုးစားနေရင်း ၂၀၁၁ ခုနှစ်မှာ ပူလောင်နေတဲ့မြစ်ကို ရှာဖွေခဲ့ပါတယ်။ နောက်ဆုံး အမေဇုန်တောနက်ကြီးရဲ့ အတွင်းပိုင်းမှာ အံ့သြလောက်ဖွယ် ပူလောင်ဆူပွတ်နေတဲ့ မြစ်ကို တွေ့ရှိခဲ့ပါတယ်။

သူတွေ့ရှိခဲ့တဲ့ မြစ်ရဲ့ အပူချိန်ဟာ ၁၂၀ ဒီဂရီ ဖာရင်ဟိုက် မှ ၁၉၆ ဒီဂရီ ဖာရင်ဟိုက် အထိရှိပါတယ်။ ဒီအပူချိန်ဟာ မည်သည့်သက်ရှိမဆို မြစ်ထဲကျသွားရင် ခဏခြင်းအတွင်း ပြုတ်ထားသလိုဖြစ်ကာ သေစေနိုင်ပါတယ်။ Ruzo ရဲ့အဆိုအရ မြစ်ပေါ်လေဟာ ကြီးမားပြင်းထန်ပြီး လေကအစ ပူလွန်းလို့ ရှုမိလိုက်တာနဲ့ နှာခေါင်းနဲ့ အဆုတ်တွေထဲမှာပါ ပူလောင်သွားခြင်းကို ခံစားရတယ်လို့ ဆိုပါတယ်။

Sunday, March 3, 2019

ကမ္ဘာတလွှား တောင်ပေါ်လမ်းများ

ကမ္ဘာတလွှားမှာရှိတဲ့ လှပပြီး အသဲယားစဖွယ်ကောင်းတဲ့တောင်ပေါ်လမ်းများကိုတင်ပြပါမယ်။
 
(၁)ကဲပထမဆုံးအနေနဲ့  လှပတဲ့လမ်းကလေးနဲ့ စလိုက်ရအောင်နော်...
ဒါကတော့ ပြင်သစ်နိုင်ငံ မှာရှိတဲ့ Colde Turini လမ်းပါ...
ပြင်သစ်နိုင်ငံတောင်ပိုင်းမှာ ရှိတဲ့ဒီလမ်းလေးဟာ ပင်လယ်ပြင်အမှတ်ထက် (၁)မိုင်ကျော်မြင့်ပါတယ်...
ပြင်သစ်နိုင်ငံ မှာရှိတဲ့ Colde Turini လမ်း

Saturday, February 23, 2019

ရုရှားနိုင်ငံအကြောင်း စိတ်ဝင်စားဖွယ်ရာ အချက် ၁၁ ချက်


နိုင်ငံတခုချင်းစီတိုင်းမှာ စိတ်ဝင်စားဖွယ်ရာ အချက်အလက်၊ သမိုင်းကြောင်းနဲ့ ယဉ်ကျေးမှုတွေရှိကြပါတယ်။ အခုတခေါက်မှာတော့ ရုရှားနိုင်ငံရဲ့ စိတ်ဝင်စားဖွယ်ရာ အချက်အလက်တွေကို ဗဟုသုတအနေနဲ့ သိရအောင် မျှဝေပေးလိုက်ပါတယ်။

(၁) ရုရှားလူမျိုး တယောက်ချင်းစီတိုင်းက တနှစ်မှာ အရက် ၁၈ လီတာ သောက်လေ့ ရှိပါတယ်တဲ့။ ရုရှားမှာ အမျိုးသမီးဦးရေက အမျိုးသားဦးရေထက် ၉ သန်းကျော် ပိုများပါတယ်။

(၂) ရုရှားနိုင်ငံမှာ အရက်နဲ့ဆက်စပ်ရောဂါတွေကြောင့် သေဆုံးသူဟာ တနှစ်ကို ၅၀၀၀၀၀ ကျော် ရှိပါတယ်။

(၃) ရုရှားက ပြတိုက်တခုမှာ ပြခန်းထဲက အနုပညာလက်ရာတွေကို စောင့်ရှောက်ဖို့ ကြောင်တွေကို ငှားရမ်းထားပါတယ်။

လကမ္ဘာ၏ အခြားတစ်ဖက်ခြမ်းသို့ အောင်မြင်စွာ ဆင်းသက်နိုင်ခဲ့သော တရုတ်ဂြိုဟ်တု Chang’e-4 အကြောင်း တစ်စေ့တစ်စောင်း

ပေကျင်း၊ ဇန်နဝါရီ ၁၃ ရက် (ဆင်ဟွာ)
တရုတ်နိုင်ငံသည် လကမ္ဘာ၏ အခြားတစ်ဖက်ခြမ်းသို့ ပထမဆုံး ဆင်းသက်ခြင်းဖြစ်သော Chang’e-4 ဂြိုဟ်တု ၏ အောင်မြင်စွာဆင်းသက်နိုင်မှုကို ဇန်နဝါရီ ၁၁ရက် က ထုတ်ပြန်ကြေညာခဲ့သည်။
Chang’e-4 ဂြိုဟ်တု တွင်ပါရှိသော သိပ္ပံပညာရပ်ဆိုင်ရာ ပစ္စည်းကိရိယာများအားလုံး ကောင်းစွာအလုပ်လုပ်ပြီး ဂြိုဟ်တုမှ ရိုက်ကူးထားသော ဓါတ်ပုံများနှင့် လကမ္ဘာပေါ်တွင် လေ့လာတွေ့ရှိရသည့် အချက်အလက်များကို မြေပြင်စခန်းသို့ ပြန်လည်ပေးပို့ခဲ့ကြောင်း တရုတ်အမျိုးသားအာကာသဦးစီးဌာန (CNSA) ကပြောကြားခဲ့သည်။
ဇန်နဝါရီ ၁၁ရက် ပေကျင်းစံတော်ချိန် ၄း၄၇နာရီတွင် ဂြိုဟ်တု၏ မြေပြင်ဆင်းသက်မှုယာဉ် (Lander) နှင့် လေ့လာရေးယာဉ် (Rover) တို့၏ ပုံရိပ်များ သည် ပေကျင်းလေကြောင်းအာကာသ ထိန်းချုပ်ရေးစင်တာရှိ ကြီးမားသော တီဗီမှန်သားပြင်၌ ပေါ်ထွက်လာပြီး တရုတ်နိုင်ငံ အလံတော်တပ်ဆင်ထားသော အဆိုပါ ယာဉ် နှစ်စီးစလုံးကို လကမ္ဘာ၏ ချိုင့်ဝှမ်းနောက်ခံများဖြင့် မြင်တွေ့ခဲ့ကြရသည်။

တရုတ်နိုင်ငံ ကွန်မြူနစ်ပါတီ (CPC) ဗဟိုကော်မတီ၊ နိုင်ငံတော်ကောင်စီ နှင့် ဗဟိုစစ်ကော်မရှင်တို့က ပေးပို့လာသော ဂုဏ်ယူဝမ်းမြောက်ကြောင်းသဝဏ်လွှာ ၌ Chang’e-4 ဂြိုဟ်တု၏ ဆင်းသက်မှု သည် တရုတ်နိုင်ငံ အာကာသအစီအစဉ်၏ မှတ်သားဖွယ် အောင်မြင်မှုတစ်ခုဖြစ်ပြီး အာကာသတွင်း ရှာဖွေလေ့လာရေးနယ်ပယ်၌ တရုတ်နိုင်ငံအား အားကောင်းသောနိုင်ငံတစ်ခုဖြစ်လာစေရန် ရှေ့ဆက်လုပ်ဆောင်ပေးမည့် အရေးကြီးသော ခြေလှမ်းတစ်ခုအဖြစ် သတ်မှတ်ပါကြောင်း ရေးသားထားသည်။

ကမ္ဘာ့ထူးဆန်းသော ဓလေ့များ

ယူကရိန်း

နိုင်ငံအများစုတွင် ပင့်ကူကိုတွေ့လျှင် ကြောက်ပြီး အော်ပြေးတတ်ကြသည်။ ယူကရိန်းနိုင်ငံတွင်တော့ ထိုသို့မဟုတ်။ သူတို့က ခရစ္စမတ်ကာလတွင် ပင့်ကူကို တွေ့မည်ဆိုလျှင် ပိုပြီးပျော်ရွှင်ကြည်နူးကြသည်။ တစ်နည်းဆိုရလျှင် ထိုအချိန်တွင် ပင့်ကူကို တွေ့ပါက ကံကောင်းသည်ဟု ယူဆကြသည်။ ပင့်ကူက ကံကောင်းခြင်းကို ယူဆောင်လာတတ်သည်ဟူ၍ ယူဆကြသောကြောင့်ဖြစ်သည်။

ယူကရိန်းနိုင်ငံတွင် ဟိုးရှေးခေတ်ကတည်းက ပင့်ကူနှင့် ပတ်သက်သည့် ပုံပြင်တစ်ပုဒ်ရှိခဲ့ဖူးသည်။ ပင့်ကူတွေက ခရစ္စမတ်ကို ကယ်တင်ခဲ့သည်။ ဆင်းရဲသည့် မုဆိုးမကြီးတစ်ဦးတွင် ကလေးများရှိသည်။ သူတို့သည် ခရစ္စမတ်ကာလတွင် ထင်းရှူးပင်ဖြင့် ပွဲကို မဆင်နွှဲနိုင်သောကြောင့် ခရစ္စမတ်သစ်ပင်အစား ပင့်ကူအိမ်များကို အသုံးပြုခဲ့ကြရသည်။

ထို့ကြောင့် ယနေ့အထိ ယူကရိန်းတွင် ခရစ္စမတ်ပွဲကို ထင်းရှူးပင်များအပြင် ပင့်ကူအိမ်အတုများကိုပါ ဆင်ယင်ပြီး ပွဲကိုကျင်းပလေ့ရှိသည်။ ထိုသို့ ပြုလုပ်လိုက်ခြင်းခြင်းဖြင့် နောက်နှစ်တွင်လည်း ကံကောင်းလာမည်ဟု ယူဆကြသောကြောင့် ပင့်ကူအိမ်ကို အလေးအမြတ်ပြုကြခြင်းဖြစ်သည်။

Thursday, February 21, 2019

တစ်နှစ်ပတ်လုံး မိုးရွာသော ဒေသ

မိုးများသော ဒေသတွေကို ကြားဖူးတွေ့ဖူးကြမှာပါ။ ဒါပေမယ့် ယခုတင်ပြမယ့် ဒေသလေးကတော့ ထူးထူးခြားခြား တစ်နှစ်ပတ်လုံး မိုးရွာလေ့ရှိပါသည်။ ထို့ကြောင့်ပင် ထိုဒေသကို ကမ္ဘာပေါ်တွင် အစိုစွတ်ဆုံး ဒေသအဖြစ် မှတ်တမ်းတင်ထားကြပါသည်။ ထိုဒေသလေးသည် အိန္ဒိယနိုင်ငံ အရှေ့မြောက်ပိုင်း၊ Meghalaya ပြည်နယ်အတွင်း၊ Khasi တောင်၏အရှေ့ဘက်တွင်ရှိသော မော်ဆင်ရမ် (Mawsynram) ကျေးရွာလေး ဖြစ်ပါသည်။ ထိုရွာလေးသည် 1,400 metres (4,600 ပေ) အမြင့်တွင်ရှိသော ရွာလေး ဖြစ်ပါသည်။

ထိုရွာလေးတွင် တစ်နှစ်ပတ်လုံး မိုးရွာသွန်းနေသဖြင့် ကောင်းကင်တစ်ခွင် အုံ့မှိုင်းနေတတ်ပါသည်။ နေရောင်ခြည် ကျရောက်မှု အလွန်နည်းသော ဒေသလေးဖြစ်ပါသည်။ နှစ်စဉ် ပျမ်းမျှမိုးရေချိန် ၄၆၇.၄ လက်မ အထိ ရွာသွန်းပါသည်။ ထူးထူးခြားခြား ၁၉၈၅ ခုနှစ်တွင် မိုးရေချိန် လက်မ ၁၀၀၀ အထိ ရွာသွန်းခဲ့ပြီး ကမ္ဘာ့မိုးအများဆုံး အစိုစွတ်ဆုံးဒေသအဖြစ် ဂင်းနစ်ကမ္ဘာ့မှတ်တမ်းတွင် စံချိန်တင်ခဲ့ပါသည်။
တစ်နှစ်ပတ်လုံး မိုးရွာသွန်းလေ့ရှိသဖြင့် ဒေသခံများသည် အပြင်ထွက်လျှင် ဆောင်းစရာ မိုးကာ၊ ထီး နှင့် ခမောက်ခေါင်းဆောင်းရှည်ကြီးများ အမြဲဆောင်ထားကြပါသည်။ ထိုဒေသသည် မြစ်များ ၊ ရေတံခွန်များ စတင်ဖြစ်ပေါ်ရာ ဒေသတစ်ခုလည်း ဖြစ်ပါသည်။

တစ်နှစ်ပတ်လုံး မိုးရွာသွန်းရသည့် အကြောင်းရင်းမှာ ထိုရွာလေး၏ ပတ်ဝန်းကျင်တွင် မြင့်မားလှသည့် ဟိမ၀န္တာတောင်တန်းကြီးများ ၀ိုင်းရံနေသောကြောင့် ဖြစ်ပါသည်။ ထိုတောင်တန်းကြီးများသည် ကြီးမားသော တိမ်တိုက်များကို ကာဆီးထားသလို ဖြစ်နေသဖြင့် မိုးတိမ်များသည် ထိုဒေသလေးမှာပင် မိုးအဖြစ် ရွာသွန်းနေခြင်း ဖြစ်ပါသည်။

Wednesday, February 20, 2019

ကမ္ဘာ့ အကျော်ကြားဆုံ နာရီစင်ကြီးများ

နိုင်ငံတိုင်းတွင် အထိမ်းအမှတ်သဘောအဖြစ် ထားကြသော နာရီစင်ကြီးများ ရှိကြပါသည်။ ထိုနာရီစင်ကြီးများသည် တစ်ချိန်က အချိန်ကြည့်ရန် တည်ဆောက်ထားကြပေမယ့် ယခုခေတ်တွင်မူ နိုင်ငံတစ်နိုင်ငံ၏ ဂုဏ်ယူစရာ အထိမ်းအမှတ်တစ်ခုအဖြစ် ဆက်လက်တည်ရှိ ထိန်းသိမ်းထားကြပါသည်။ ယခုတင်ပြမှာကတော့ ကမ္ဘာပေါ်တွင် အကျော်ကြားဆုံးနှင့် လူသိအများဆုံး နာရီစင်ကြီးများအကြောင်း ဖြစ်ပါသည်။

1. Big Ben (Elizabeth Tower), London, England

နာရီစင်ဆိုသည်နှင့် အင်္ဂလန်၊ လန်ဒန်မြို့တော်မှ Big Ben နာရီစင်ကြီးကို ပြေးမြင်မိကြပါသည်။ ထိုနာရီစင်ကြီးသည် ကြီးမားခြင်း ၊ လှပခန့်ညားခြင်း ၊ ရှေးကျခြင်း ၊ နိုင်ငံ၏ အထိမ်းအမှတ်နေရာတစ်ခုအဖြစ် တည်ရှိနေခြင်း စသည့်ဂုဏ်ပုဒ်များဖြင့် ပြည့်စုံနေပါသည်။ ၁၈၅၈ ခုနှစ်ကတည်းက တည်ဆောက်ပြီးစီးခဲ့သည့် ရှေးဟောင်းနာရီစင်ကြီး ဖြစ်ပါသည်။ Big Ben နာရီစင်ကြီးသည် ကမ္ဘာပေါ်ရှိ သီးခြားတည်ဆောက်ထားသည့် နာရီစင်များတွင် တတိယ အမြင့်ဆုံး နာရီစင်ကြီး ဖြစ်ပါသည်။ အင်္ဂလန်နှင့် လန်ဒန်မြို့၏ အထိမ်းအမှတ် တစ်ခုအဖြစ် တည်ရှိနေယုံသာမက ဥရောပ၏ အကျော်ကြားဆုံး နေရာတစ်နေရာအဖြစ်လည်း သတ်မှတ်ထားကြပါသည်။ ယခုအခါ Big Ben နာရီစင်ကြီးကို Elizabeth ဘုရင်မကြီးအား ဂုဏ်ပြုသောအားဖြင့် Elizabeth Tower ဟု တရာဝင် အမည်ပေးထားပါသည်။ နာရီစင်ကြီးသည် နှစ်ကာလကြာမြင့်လာပြီးဖြစ်သဖြင့် အနည်းငယ် တိမ်းစောင်းလာနေကြောင်း သိရပါသည်။

Saturday, February 2, 2019

ပင်လယ်ထဲမှ ဆင်ကျွန်း

အိုက်စလန်နိုင်ငံ ကမ်းလွန်ပင်လယ်ပြင်အတွင်း သဘာဝအတိုင်း ဖြစ်တည်နေသော ကျောက်တောင်ကျွန်းတစ်ခုပါ။ ဆင်တစ်ကောင်ရဲ့ နှာမောင်း ၊ ဦးခေါင်း ၊ နားရွက် ကိုယ်ခန္ဓာ နဲ့ ခပ်ဆင်ဆင်တူနေပြီး အမှတ်တမဲ့ ကြည့်လိုက်ပါက ပင်လယ်ပြင်ထဲ လဲလျောင်းနေတဲ့ ဆင်ပုံစံ ဖြစ်တည်နေပါတယ်။

Related Posts Plugin for WordPress, Blogger...