အန္ဒိယ ခေါင်းတို ခွံပျော့ ရှားပါးလိပ်

ဧရာဝတီတိုင်းဒေသကြီး ကြံခင်းမြို့ ပန်းရံစု (လေးထပ်ကြီး ဘုရားမှာ)ထူးဆန်းတဲ့ လိပ်ကြီး တွေ့ရှိ ဆိုတဲ့ သတင်းတစ်ပုဒ် ဖတ်ရလို့ ရှားပါး (မျိုးသုန်းပျောက်ကွယ်) တော့မယ့် အိန္ဒိယ ခေါင်းတို ခွံပျော့ လိပ် (Indian barrow-headed softshell turtle) အကြောင်း ရေးပေးလိုက်ပါတယ်။ ရှားပါးတိရိစ္ဆာန် ကာကွယ်နိုင်ဖို့အတွက်ပါ။

Chitra indica လို့ခေါ်တဲ့ ဒီမျိုးနွယ်လိပ်တွေဟာ တောင်အာရှ နဲ့ အရှေ့တောင် အာရှမှာသာရှိပြီး ရေချို မြစ်ချောင်းများမှာ နေထိုင်ကြပါတယ်။ အရွယ်အစား ကြီးမားပြီး.. ငါး၊ ဖား၊ ပုစွန် နဲ့ အခြားသေးငယ်တဲ့ ရေသတ္တဝါ နဲ့ အပင်အချို့ကို စားသုံးပါတယ်။ ( ဗီဒီယိုထဲမှာ ကလေးတွေ ချကျွေးတဲ့ ပေါင်မုန့်ကို မစားတာ တွေ့ရပါတယ်။)  စိမ်းပုပ်ပုပ် အရောင်ရှိပြီး လည်ပင်းရဲ့ အရှေ့ပိုင်းဟာ အင်္ဂလိပ်အက္ခရာ "V” ပုံစံမျိုး ဖြစ်ပါတယ်။ ရေအောက် သဲမြေအောက်မှာ အများဆုံး နေထိုင်လေ့ရှိပြီး သူ့ရဲ့ ချွန်နေတဲ့ နှာခေါင်းလေးပဲ ဖော်ထားတတ်ပါတယ်။

မူးယစ်ဆေးဝါး စံချိန်တင် ရှာဖွေပေးနိုင်ခဲ့လို့ မူးယစ်ဆေးဝါးဂိုဏ်းရဲ့ ဆုကြေးထုတ်ခြင်းခံရတဲ့ အနံ့ခံခွေးမလေး

ကိုလံဘီယာ ရဲတပ်ဖွဲ့ရဲ့ ခွေးမလေးဟာ ကိုကင်း ၁၀ တန် နီးပါးလောက် အနံ့ခံ ရှာဖွေဖော်ထုတ်နိုင်ခဲ့လို့ မူးယစ်ဆေးဝါးဂိုဏ်းက သူ့ခေါင်းကို ဆုကြေးငွေ ထုတ်ထားပါတယ်။ ဂျာမန်သိုးထိန်းခွေးဖြစ်တဲ့ ခွေးမလေး ဆွန်ဘရာ(အရိပ်ဟု အဓိပ္ပာယ်ရ)ဟာ ကိုလံဘီယာနိုင်ငံ မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့နဲ့အတူ စစ်ဆင်ရေး ၃၀၀ ကျော်မှာ ပါဝင်လှုပ်ရှားခဲ့ပြီး မူးယစ်ဆေးဝါးတွေ စံချိန်တင် ဖော်ထုတ်ပေးနိုင်ခဲ့ပါတယ်။

၆ နှစ်အရွယ်ရှိတဲ့ ခွေးမလေး ဆွန်ဘရာဟာ တာဘိုမြို့မှာ ကိုကင်း ၅.၃ တန် ရှာဖွေပေးနိုင်ခဲ့ပြီး သိပ်မကြာသေးခင်ကလည်း ကားအပိုပစ္စည်းတွေထဲမှာ လျှို့ဝှက်ထည့်သွင်းထားတဲ့ ကိုကင်း ၄ တန် ရှာဖွေဖော်ထုတ်ပေးနိုင်ခဲ့ပါတယ်။ တာဘိုမြို့ဟာ အမေရိကတိုက်အလယ်ပိုင်းနဲ့ အမေရိကန်နိုင်ငံကို စပိဘုတ်တွေ၊ ရေငုပ်သင်္ဘောတွေနဲ့ မူးယစ်ဆေးဝါး တင်ပို့ရာနေရာတစ်ခု ဖြစ်ပါတယ်။

မက္ကစီကိုမှာ ငလျင်လှုပ်ပြီးနောက် နှစ် ၉၀၀ နီးပါးသက်တမ်းရှိ ဘုရားကျောင်း ရှာဖွေတွေ့ရှိ

မက္ကစီကိုမှာ ယမန်နှစ် စက်တင်ဘာလအတွင်း လှုပ်ခတ်ခဲ့တဲ့ ငလျင်ကြောင့် ပိရမစ်တစ်ခု ထိခိုက်ပျက်စီး အခြေအနေကို သိရှိနိုင်ရန် စစ်ဆေးခဲ့ကြရာမှ နှစ်ပေါင်း ၉၀၀ နီးပါး သက်တမ်းရှိတဲ့ ရှေးခေတ်ဘုရားကျောင်းတစ်ခုကို ရှာဖွေတွေ့ရှိခဲ့ကြတယ်လို့ ဆိုပါတယ်။

ရှေးဟောင်းသုတေသီတွေ ရှာဖွေတွေ့ရှိခဲ့တဲ့ ဘုရားကျောင်းဟာ မက္ကစီကိုမြို့တော်တောင်ဘက် ၄၃ မိုင်အကွာ မိုရီလော့စ်ပြည်နယ်အတွင်းရှိ Teopanzolco ပိရမစ်အတွင်း တည်ရှိနေတာ ဖြစ်ပါတယ်။

ဖြစ်ရပ်မှန် ရုပ်ရှင်ကားတွေရဲ့ နောက်ကွယ်က စိတ်ဝင်စားဖွယ်ရာ အကြောင်းအရာများ (၁) နှင့် (၂)

တကယ့် အဖြစ်အပျက်တွေကို ရုပ်ရှင်ရိုက်ဖို့ဆိုရင် ဒါရိုက်တာတွေဟာ ရုပ်ရှင်စမရိုက်ခင် တချို့သော လေ့လာ ဆန်းစစ်ချက်တွေကို ပြုလုပ်ရပါတယ်။ တကယ့် အဖြစ်အပျက်ကနေ သွေဖယ်မသွားရအောင်နဲ့ ကြည့်ရှုသူ စိတ်ဝင်စားစေဖို့အတွက် တချို့သော အကြောင်းအရာတွေကို ချန်လှပ်ထားခဲ့လေ့ရှိတာကြောင့် ဒီထဲကမှ တချို့သော ဖြစ်ရပ်မှန် ဇာတ်ကားတွေရဲ့ နောက်ကွယ်က စိတ်ဝင်စားဖွယ်ရာ အကြောင်းအရာတွေကို ဖော်ပြပေးလိုက်ပါတယ်။
(၁) Catch Me If You Can (2002)

ပုံတူကူး ပညာရှင်တယောက်ဖြစ်တဲ့ Frank Abagnale ကို FBI ကဖမ်းဖို့ကြိုးစားတဲ့ ဒီရုပ်ရှင်ရဲ့ တကယ့် အဖြစ်အပျက် မှာတော့ Frank အိမ်ကထွက်ပြေးတဲ့အချိန်အထိ သူ့ဖခင်ကို တခါမှ မမြင်ဖူးခဲ့ပါဘူး။ ဒါရိုက်တာက သားနဲ့အဖေကြားက မေတ္တာကို ပြသချင်တာကြောင့် ရုပ်ရှင်ထဲမှာ Frank ဟာသူ့ဖခင်နဲ့ လက်ပွန်းတတီး ရှိခဲ့ပါတယ်ဆိုတာကို ရိုက်ပြခဲ့ပါတယ်။ နောက်တခုကတော့ တကယ့် Frank ဟာ ပထမအကြိမ် FBI ကဖမ်းမိခဲ့စဉ်က ထောင်ဖောက်လွတ်မြောက်ခဲ့ဖူးတယ် ဆိုတဲ့ အချက်ကို FBI ရဲ့ပုံရိပ်ထိခိုက်မှာစိုးတဲ့အတွက်ကြောင့် ချန်လှပ်ထားခဲ့တာ ဖြစ်ပါတယ်။ ဒီဇာတ်ကားမှာ နာမည်ကြီး မင်းသားနှစ်လက်ဖြစ်တဲ့ Leonardo နဲ့ Tom Hanks တို့က ပါဝင်သရုပ်ဆောင်ထားပါတယ်။

လူအများစု မသိသေးတဲ့ အမေရိကန် ပြည်ထောင်စု အကြောင်း

ရှုပ်ထွေးကျယ်ပြန့်လှတဲ့ အမေရိကန်ပြည်ထောင်စုရဲ့ အမေရိကန်လူမျိုးတွေ အကြောင်းတွေထဲကမှ လူအများစု မသိကြသေးတဲ့ အကြောင်းအရာတချို့ကို ပြန်လည်မျှဝေ ပေးလိုက်ပါတယ်။

(၁) အမေရိကန်နိုင်ငံမှာ တနေ့ကို ပျမ်းမျှအားဖြင့် ကြက်သားစားသုံးမှုနှုန်းဟာ ကြက်အကောင်ရေ ၂၂ သန်း အထိ ရှိပါတယ်။

(၂) အမေရိကန်ရဲ့ ဘဏ္ဍာရေးဌာနထက် Apple ကုမ္ပဏီက ဝင်ငွေ ပိုများပါတယ်။

(၃) အမေရိကန်နိုင်ငံမှာ ၁၈၃၆ ခုနှစ် မတိုင်ခင်အထိ ခရစ်စမတ်ပွဲတော်ကို တရားမဝင် ပွဲတော်အဖြစ် သတ်မှတ်ခဲ့ပါတယ်။

(၄) အမေရိကန်နိုင်ငံမှာ လင်မယားပြတ်စဲ ကွာရှင်းမှု နှုန်းထားဟာ တနာရီမှာ အရေအတွက် ၁၀၀ ခန့် ရှိပါတယ်။

စက္ကူနဲ့လုပ်ထားတဲ့မြန်မာနိုင်ငံကဆင်ရုပ် ဂင်းနစ်စံချိန်ဝင်

စက္ကူနဲ့လုပ်ထားတဲ့မြန်မာနိုင်ငံက ဆင်ရုပ်က ဇူလိုင်လ ၁၆ ရက်နေ့မှာ ဂင်းနစ်စံချိန်ဝင်ခဲ့ပါတယ်။ အဲ့ဒီစက္ကူ ဆင်ရုပ်က အလျား ၅.၇၈ မီတာ၊ အမြင့် ၅. ၅၉ မီတာ နဲ့ အနံ ၂. ၁၅ မီတာရှိပါတယ်။ မြန်မာနိုင်ငံက အနုပညာဖန်တီးသူ အာကာကျော်နဲ့ စက္ကူရုပ်ပညာရှင် ဦးမြင့်ဆွေတို့က ဖန်တီးခဲ့တာဖြစ်ပြီးတော့ စက္ကူနဲ့လုပ်တဲ့ ကမ္ဘာ့အကြီးဆုံးဆင်ဖြစ်လာခဲ့ပါတယ်။
သူ့ရဲ့ ကိုယ်ထည်ကို ၀ါးတွေနဲ့ အခြေခံပြီးဖန်တီးထားပြီးတော့ အပေါ်ကကိုယ်ထည်ကို သတင်းစာဟောင်းတွေကို အသုံးပြုထားတာပါ။

"ဂင်းနစ်စံချိန်ဝင်ဖို့အတွက်ကိုတော့ ဖန်တီးပြီးသုံးလလောက်အကြာမှာ သူ့ရဲ့အတိုင်းအတာတွေကို ပုံတွေကောကို ပို့ထားတဲ့ဟာကို လက်ခံမခံအကြောင်းပြန်ပါတယ်။ အကြောင်းပြန်ပြီးတော့မှ professional surveyor တွေက လာကြည့်ပြီးတော့ မှ လက်ခံ၊ မခံကို နောက်၃ လကြာပြီးမှ ပြန်အကြောင်းပြန်တာပါ။ စုစုပေါင်း အချိန်ခြောက်လကြာပြီးတော့မှ ဂင်းနစ်စံချိန်ဝင်မ၀င်ကို အကြောင်းပြန်တာပါ။ သူတို့ဘက်ကနေပြီး official certificate ပို့ပေးပါလိမ့်မယ်။" လို့  အဲ့ဒီအရုပ်ကို ဖန်တီးရာမှာပါဝင်ခဲ့တဲ့ WWF Myanmar က Senior Communications officer ကိုရဲမင်းသွင်က ဓူဝံကို ပြောပါတယ်။

ရေနေတွားသွားသတ္တဝါ Ichthyosaur ရဲ့ ကျောက်ဖြစ်ရုပ်ကြွင်းကို အိန္ဒိယမှာ ပထမဆုံးတူးဖော်ရရှိခဲ့

အိန္ဒိယနိုင်ငံက သိပ္ပံပညာရှင်များဟာ အိန္ဒိယနိုင်ငံ အနောက်စွန်ဆုံးမှာ တည်ရှိတဲ့ ဂူဂျာရတ် ပြည်နယ်ရဲ့ နောက်ပိုင်းမှာ မျိုးသုဉ်းသွားပြီဖြစ်တဲ့ ပင်လယ်သွားတွားသတ္တဝါ Ichthyosaur ရဲ့ နှစ် ၁၅၂ သန်း သက်တမ်းရှိပြီဖြစ်တဲ့ ကျောက်ဖြစ်ရုပ်ကြွင်းကို တူးဖော်တွေ့ရှိခဲ့ပါတယ်။

ဒါဟာ ichthyosaur လို့ခေါ်တဲ့ တွားသွားပင်လယ်နေသတ္တဝါတစ်မျိုးရဲ့ ကျောက်ဖြစ်ရုပ်ကြွင်းကို အိန္ဒိယနိုင်ငံမှာ ပထမဆုံးအကြိမ်တွေ့ရှိခြင်းလည်း ဖြစ်ပါတယ်။ ဒီကျောက်ဖြစ်ရုပ်ကြွင်းကို တွားသွားသတ္တဝါတွေ အားအကြီးဆုံးဖြစ်ခေတ်ဖြစ်တဲ့ Mesozoic ခေတ်ကတည်းကဖြစ်ပေါ်ခဲ့တဲ့ ကျောက်တုံးတစ်တုံးထဲမှာ တွေ့ခဲ့တာ ဖြစ်ပါတယ်။

တူးဖော်မှုကို ဦးဆောင်သူ ပါမောက္ခ VR ပရာဆတ် ကတော့ ၁၈ ပေခန့်ရှည်လျားတဲ့ ကျောက်ဖြစ်ရုပ်ကြွင်းတစ်ခုလုံးနီးပါးကို တူးဖော်ပြီးပြီဖြစ်ပေမဲ့ ဦးခေါင်းရိုးနဲ့ အမြီးရိုးကိုတော့ မတူးဖော်ရသေးဘူးလို့ဆိုပါတယ်။