ကမ္ဘာ့အကြီးဆုံး အဆောက်အဦကြီး

ကမ္ဘာပေါ်တွင် အောက်ခြေဧရိယာ အကျယ်ပြန့်ဆုံး နှင့် အကြီးဆုံးအဆောက်အဦကြီးမှာ တရုတ်နိုင်ငံ အနောက်တောင်ပိုင်းရှိ ချန်ဒူးမြို့တွင် တည်ရှိပါသည်။ New Century Global Center ဟုအမည်ရသည့် ထိုအဆောက်အဦကြီးသည် အမေရိကန်နိုင်ငံမှ ပင်တဂွန် စစ်ဌာနချုပ်ထက် သုံးဆကြီးပါသည်။ ထို့အပြင် Sydney  Opera Houses ကဲ့သို့ အဆောက်အဦးပေါင်း ၂၀ တိတိ အတွင်း၌ တည်ဆောက်နိုင်အောင် ကြီးမားကျယ်ပြန့်လှပါသည်။

ထိုအဆောက်အဦကြီးသည် အမျိုးအစားစုံသော အရာများ ပေါင်းစုပါဝင် တည်ဆောက်ထားခြင်း ဖြစ်ပြီး အတွင်း၌  ရုပ်ရှင်ရုံ ၊ ဟိုတယ် ၊ စီးပွားရေး စင်တာများ ၊ တက္ကသိုလ် အဆောက်အအုံ တစ်ခု၊  အစည်းအဝေး ခန်းမများ၊  ရုံးခန်းများ ၊ ဈေးဝယ် စင်တာများ ရှိသည့်အပြင် အနားယူ အပန်းဖြေနိုင်ရန် ကမ်းခြေအတု၊ ရေပန်းဥယျာဉ်၊ ရေတံခွန်များနှင့် ရေကြောင်းဆိုင်ရာ ပြတိုက်များ နှင့် နှင်းလျောစကိတ်စီးကွင်း ကိုပါထည့်သွင်း တည်ဆောက်ထားပါသည်။

ထို အဆောက်အဦးကြီးသည် အမြင့် ၁၀၀ မီတာ (၃၃၀ ပေ) ရှိပြီး ၊ အရှည် မီတာ ၅၀၀ (၁၆၀၀ ပေ) နှင့် အကျယ် ၄၀၀ မီတာ (၁၃၀၀ ပေ) အထိ ရှိပါသည်။ ကြမ်းခင်း ဧရိယာစုစုပေါင်း အကျယ်မှာ ၁ ၇၀၀ ၀၀၀ စတုရန်းမီတာ (၁၈ ၀၀၀ ၀၀၀ စတုရန်းပေ) အထိ ရှိပါသည်။ ၂၀၁၀ ခုနှစ်တွင် စတင်တည်ဆောက်ခဲ့ပြီး ၂၀၁၃ ခု ဇူလိုင်လ ၁ ရက်နေ့တွင် ဖွင့်လှစ်နိုင်ခဲ့ပါသည်။

သဘာဝအလှအပများနှင့် သမိုင်းတန်ဖိုးများ တည်ရှိရာ ရသေ့ပျံလှိုဏ်ဂူကြီး

ကရင်ပြည်နယ်ရှိ လှိုဏ်ဂူများသည် အခြားဒေသမှ လှိုဏ်ဂူများနှင့် မတူညီသည့် အချက်တစ်ခုမှာ သမိုင်းဆိုင်ရာ တန်ဖိုးများပင် ဖြစ်ပါသည်။ ထိုအထဲကမှ ယခုအခါ ခရီးသွားအများ စိတ်ဝင်စား သွားရောက် လည်ပတ်တတ်ကြပြီး ၊ သမိုင်းဆိုင်ရာတန်ဖိုးများနှင့်အတူ သဘာဝအလှအပများပါ ပေါများစွာ တည်ရှိနေသည့် ရသေ့ပျံလှိုဏ်ဂူကြီးအကြောင်း တင်ပြပေးပါမည်။

ရသေ့ပျံလှိုဏ်ဂူသည် သံလွင် မြစ်အနောက်ဖက်ကမ်း သံလွင်တံတားမှ ကော့ဂွန်းဂူသို့ သွားသည့် လမ်းပေါ်တွင် ရသေ့ပျံကျေးရွာအနီး တည်ရှိနေပါသည်။ ဘားအံမြို့နှင့် သံလွင်မြစ်ခြားကာ တစ်ဖက်ကမ်းတွင် တည်ရှိနေပြီး ဘားအံမြို့မှ ၈ မိုင်ခန့်ဝေးပါသည်။ ရသေံပျံဂူ နှင့် ကော့ဂွန်းဂူတို့သည် နီးကပ်လျက် တည်ရှိနေကြပြီး ရသေ့ပျံဂူကို ကျော်ပြီးမှ ကော့ဂွန်းဂူသို့ ရောက်ရှိမည် ဖြစ်ပါသည်။

ပင်လယ်ရေမျက်နှာပြင်အထက် ၁၁၆ ပေ အမြင့်တွင် တည်ရှိနေသည့် ထုံးကျောက်လှိုဏ်ဂူကြီး ဖြစ်ပါသည်။ မြေပြန့်လွင်ပြင်တွင် ထိုးထွက်နေသည့် ကျောက်တောင်များတွင် ဖြစ်ပေါ်နေသော သဘာဝလှိုဏ်ဂူ ဖြစ်သလို လှိုဏ်ဂူအရှည်အားဖြင့် (၄၃၃ မီတာ) ပေ ၁၄၂၀ ခန့် ရှိပါသည်။ တိုင်းတာမှတ်တမ်းတင်ပြီးသော မြန်မာပြည်ရှိ လှိုဏ်ဂူများတွင် နံပါတ် (၃၀) မြောက် အရှည်ဆုံး ဖြစ်ပြီး ၊ ကရင်ပြည်နယ်မှ ဂူများတွင် တတိယမြောက် အရှည်ဆုံး လှိုဏ်ဂူ ဖြစ်ပါသည်။