နှင်းဖုံးလွင်ပြင်ပေါ်တွင် လမ်းလျှောက်ရင်း ဖန်တီးခဲ့သည့် ပန်းချီကားချပ်များ

အလွန်ကျယ်ပြောသော ဆီးနှင်းလွင်ပြင် တစ်ခုတွင် ဧရာမ ပန်းချီကားကြီးတစ်ချပ် ဖြန့်ကျက်ရေးဆွဲထားသကဲ့သို့ အနုပညာ လက်ရာများကို ဗြိတိန်မှ အနုပညာရှင် တစ်ဦးက ဖန်တီးပြခဲ့သည်။ ၎င်းသည် စက်ဝိုင်းများ ရေးဆွဲသည့် ကွန်ပါချွန် တစ်ခုနှင့် ကိုယ်ပိုင် ခြေထောက်များကိုသာ အသုံးပြုပြီး ခမ်းနားကြီးကျယ်သည့် ဆန်းဆန်းကျယ်ကျယ် အနုပညာ တစ်ရပ်ကို ဖော်ကျူးပြခဲ့ခြင်း ဖြစ်သည်။ ဘက်ရှိုင်းယားတွင် နေထိုင်သည့် အသက်(၅၅)နှစ်အရွယ် ဆိုင်မွန်ဘက်ခ်သည် ဆီးနှင်းပေါ်တွင် ခြေထောက်များဖြင့် ထိုးဆွပြီး ဧရာမ ပန်းချီကားချပ်ကြီးများကို ရေးဆွဲခဲ့ခြင်း ဖြစ်သည်။

အပူချိန် ကျဆင်းမှုနှင့်အတူ ရေခဲသွားသည့် နိုင်အာဂရာ ရေတံခွန်ကြီး

အမေရိကန်နှင့် ကနေဒါ နိုင်ငံတို့တွင် စံချိန်တင် အပူချိန် ကျဆင်းမှုများ ကြုံနေပြီးနောက် နာမည်ကျော် နိုင်အာဂရာ ရေတံခွန်ကြီးတွင် ရှားရှားပါးပါး ထူးခြားသောမြင်ကွင်းမျိုး ပြောင်းလဲသွားသည်ကို တွေ့ရသည်။ သဘာဝ ကမ္ဘာ့အံဖွယ် တစ်ပါးအဖြစ် သတ်မှတ်ခံရသော ဧရာမ ရေတံခွန်ကြီးသည် အလွန်အေးခဲသော ရာသီဥတုကြောင့် ရေများခဲကာ သဘာဝ ရေခဲရုပ်တု အဆောက်အအုံကြီး တစ်ခုသဖွယ် ပြောင်းလဲသွားခဲ့သည်။ ယခုသီတင်းပတ် အစောပိုင်းက နေ့အပူချိန်သည် အနုတ် (၂)ဒီဂရီ ဖာရင်ဟိုက်အောက်ထိ ကျဆင်းသွားခဲ့သည်။

ထို့အပြင် အေးခဲသည့် လေပြင်းများကလည်း တိုက်ခတ်နေပြန်ရာ အပူချိန်သည် အနုတ် (၂၀)ဒီဂရီ ဖာရင်ဟိုက်မျှ ရှိနေသည့်နှယ် ခံစားခဲ့ရသည်။ ဝင်ရိုးစွန်းဘက်မှ ဝင်ရောက်လာသော လေအေးများကြောင့် အရှိန်အဟုန် ပြင်းထန်စွာ စီးကျနေသည့် ရေများသည်ပင် အေးခဲကုန်ကာ နိုင်အာဂရာ၏ မြင်ကွင်းသည် ရေခဲချွန်၊ ရေခဲချောင်းများနှင့် တစ်မျိုးထူးခြားသွားခြင်း ဖြစ်သည်။ ရေများသည် အောက်ခြေထိ မရောက်မီတွင် အေးခဲကုန်သော အံ့ဩဖွယ် မြင်ကွင်းကို နိုင်အာဂရာ အနီးတဝိုက်မှ လူအများက ဓာတ်ပုံများ ရိုက်ယူခဲ့ကြသည်။

ဘူလ်ဂေးရီးယားမှ ထူးထူးခြားခြား ဓလေ့ထုံးစံနှင့် မင်္ဂလာအခမ်းအနား

မိမိ၏ သတို့သမီးကို မျက်နှာမမြင်ရသေးဘဲ ခေါင်းပေါ်တွင် လွှမ်းခြုံထားသည့် ဇာပဝါပါးလေးကို
လှပ်ကြည့်ရသည့် အခိုက်အတန့်သည် သတို့သား တစ်ဦးအတွက် ကြည်နူးစိတ်လှုပ်ရှားစရာ တစ်ဒင်္ဂမျိုး ဖြစ်နိုင်သည်။
သို့သော်လည်း ဘူလ်ဂေးရီးယား နိုင်ငံရှိ ကျေးရွာငယ်လေး တစ်ခုတွင် ကျင့်သုံးနေသည့် ရိုးရာဓလေ့
ထိမ်းမြားလက်ထပ်မှု အခမ်းအနားများမှ သတို့သားများအတွက်မူ ယင်းခံစားချက်မျိုး ပိုင်ဆိုင်နိုင်ဖွယ်
မရှိချေ။ အဆိုပါ ဓလေ့ထုံးစံ လက်ထပ်ပွဲများတွင် သတို့သမီး၏ မျက်နှာကို ဆေးရောင်စုံဖြင့်
ခြယ်သပြင်ဆင်ထားကြသည်။ အဆိုပါ လုပ်ရပ်ကို ဂီလီနာဟု ခေါ်ဝေါ်ကြောင်းလည်း သိရသည်။ ယခုအခါ
ဘူလ်ဂေးရီးယားရှိ ရစ်ဘ်နိုဗို ရွာလေးတစ်ခုတွင်သာ ယင်းထူးထူးဆန်းဆန်း ဓလေ့မျိုးလေး အမြစ်တွယ်
ကျန်ရှိနေခြင်း ဖြစ်သည်။ ရွာခံများ၏ အဆိုအရ ထိုသို့သော မင်္ဂလာလက်ထပ်ပွဲ အခမ်းအနားများကို
ပြုလုပ်လာခဲ့သည်မှာ ရာစုနှစ်များစွာ ကြာမြင့်ခဲ့ပြီဟု သိရသည်။ သတို့သမီးသည် ဇာပဝါပါးဖြင့်
ဖုံးအုပ်ထားသည့် မျက်နှာတွင် ဆေးရောင်စုံဖြင့် တောက်တောက်ပပ ထင်ထင်ရှားရှား ခြယ်သပေးခြင်းကို
ခံရလေ့ရှိသည်။