ရေခဲနေသည့် ရေတံခွန်များရဲ့အလှ

၂၀၁၈ ခုနှစ် ဇန်နဝါရီလ၌ တရုတ်နိုင်ငံ အရှေ့မြောက်ပိုင်း Dalian ဒေသအတွင်းတွင် ရေခဲနေသောရေတံခွန်များကို တွေ့မြင်ကြရပါတယ်။ ထိုဒေသတွင်း အပူချိန်သည် -10°C အထိကျဆင်းတတ်ပါတယ်။ Tianmen တောင်ရှိ ရေတံခွန် ၂၀ ကျော်သည် ထိုကဲ့သို့ ရေခဲနေခြင်းမျိုး ဖြစ်ပေါ်ခဲ့ပါတယ်။ အမြင်ဆန်းပြီး လှပနေတဲ့ ရေခဲတံခွန်များကို တင်ပြပေးလိုက်ပါတယ်။

ခန္ဓာကိုယ်မှ အလိုအလျောက်မီးထတောက်လောင်ကျွမ်းမှုများ (၂)

နားလည်လက်ခံဖို့ခက်တဲ့ ခန္ဓာကိုယ်မှ အလိုအလျောက်မီးထတောက်လောင်ကျွမ်းမှု အဖြစ်များကို ဆက်လက်တင်ပြပေးပါအုံးမယ်။ ဒီတခါ တင်ပြမှာကတော့ ၁၉၅၁ ခု ဇူလိုင်လ ၁ ရက်နေ့မှာ ဖြစ်ခဲ့တဲ့ အမေရိကန်နိုင်ငံ ၊ ဖလော်ရီဒါပြည်နယ် ၊ စိန့်ပီတာစတက်မြို့ က မေရီရီးဆာ ဆိုသူအမျိုးသမီးကြီးတစ်ဦး အကြောင်းပါ။

(မေရီရီးဆာ)
ထိုအမျိုးသမီးမှာ အသက် ၆၇ နှစ်ရှိတဲ့ မုဆိုးမတစ်ဦးပါ။ သူမဟာ ဆက်တီကုလားထိုင်ပေါ် ထိုင်နေရင်း ရုတ်တရက် မီးထတောက်လောင်ကျွမ်းခြင်း ဖြစ်ပေါ်ခဲ့ပါတယ်။ သူမထိုင်နေရာနေရာတွင် ဦးခေါင်းခွံ ကျန်နေခဲ့ပါတယ်။ မီးလောင်ကျွမ်းထားသော ကျောရိုးအစိတ်အပိုင်းလည်း ကျန်ရှိနေပါတယ်။ ထို့ပြင် သူမရဲ့ ဘယ်ဘက်ခြေထောက်တစ်ဖက်ကတော့ မီးမလောင်ပဲ ဖိနပ်စီးထားလျကပုံစံဖြင့် ကျန်ရှိနေခဲ့ပါတယ်။ အပူပြင်းလှသဖြင့် ဦးခေါင်းခွံမှာ အလွန်သေးငယ်ပြီး ကျုံ့ဝင်နေပါတယ်။ ထူးခြားတာက ဒီလောက်အပူပြင်းထန်စွာ လောင်သွားတာတောင် နေထိုင်ရာအခန်းနှင့် အသုံးအဆောင် ပစ္စည်းတွေကတော့ ကူးစက်လောင်ကျွမ်းခြင်း မရှိပါဘူး။ ထိုင်နေတဲ့ကဆက်တီကုလားထိုင်ရဲ့အောက်ခံစပရင်သံချောင်းကတော့ လောင်ကျွမ်းသွားပါတယ်။ ပြီးတော့ အောက်က ကော်ဇောလည်းလောင်သွားပါတယ်။ အနားက သတင်းစာပုံ တစ်ထပ်ကြီးကတော့ လောင်ကျွမ်းခြင်းမရှိပဲ အကောင်းအတိုင်းပါပဲ။

စွမ်းအားအပြည့်နှင့် အင်္ဂလန်ဘုရင်မကြီး

အမေရိကန်သမ္မတအဆက်ဆက်နှင့် အင်္ဂလန်ဘုရင်မကြီးတို့ တွေ့ဆုံနှုတ်ဆက်ကြပုံများကို တင်ပြထားတာပါ။ အမေရိကန် သမ္မတတွေ ဘယ်လောက်ပြောင်းပြောင်း အင်္ဂလန်ဘုရင်မကြီးကတော့ မပြောင်းမလဲ အသက်ရှည်ကျန်းမာလှကြောင်း ပြုံးပျော်ရွှင်စေလိုတဲ့သဘောနဲ့ နှိုင်းယှဉ်တင်ပြမှု ဖြစ်ပါတယ်။ အင်္ဂလန်နိုင်ငံဟာ ဘုရင်စံနစ်ကို လက်ခံ ကျင့်သုံးနေစဲဖြစ်ပေမယ့်   နိုင်ငံကိုအုပ်ချုပ်ဖို့ကတော့   ရွေးကောက်ခံအနိုင်ရ၀န်ကြီးချုပ်အဆက်ဆက်က အုပ်ချုပ်ရတဲ့စနစ်ပါ။ ဒီပုံတွေထဲမှာ အမေရိကန်သမ္မတတွေ အစုံမပါသေးပါဘူး။ လက်ရှိသမ္မတ ထရန့်နဲ့ ဘု့ရ်ှသားအဖ နှစ်ယောက်ပုံတွေ မပါသေးပါ။ ဒီပုံတွေထဲပါတဲ့ အမေရိကန်သမ္မတွေဟာ အနားယူသွားကြပြီ ဖြစ်သလို တစ်ချို့လည်း သေဆုံးကွယ်လွန်သွားကြတာ ကြာပါပြီ။ အခုချိန်ထိ စွမ်းအားပြည့်နေစဲဖြစ်တဲ့ ဘုရင်မကြီးကို ကြည့်လိုက်ရအောင်ဗျာ…

မှတ်ဖွယ်စုံရာ သုတပဒေသာ (၂၆)

ကမ္ဘာ့အံ့ဖွယ်စာရင်းဝင် ကမ္ဘာ့အကြီးဆုံး Iguazuú ရေတံခွန်ကြီး

ကမ္ဘာပေါ်တွင် အကြီးဆုံးနှင့် အလှပဆုံးရေတံခွန်ကြီးအဖြစ် သတ်မှတ်ထားကြသော အီဂွါဇူရေတံခွန်ကြီး အကြောင်း တင်ပြပေးပါမယ်။ ထို့ပြင် ထိုရေတံခွန်ကြီးသည် ယခုနောက်ဆုံး မဲပေးရွေးချယ်ထားသည့် သဘာဝအတိုင်းဖြစ်ပေါ်နေသည့် ကမ္ဘာ့အံ့ဖွယ် (၇) ခုတွင် တစ်ခုအပါအ၀င် ဖြစ်ပါတယ်။ ရေတံခွန်ကြီးသည် အာဂျင်တီးနားနှင့် ဘရာဇီးနိုင်ငံတို့ အကြားတွင် နှစ်နိုင်ငံ နယ်နမိတ်အစပ်၌ တည်ရှိနေတာပါ။ ရေတံခွန်ကြီး၏ ကျဆင်းနေမှု ဧရိယာမှာ ကျယ်ပြန်ကြီးမားသလို လှပသောရှု့ခင်းများကြောင့်လည်း ကမ္ဘာကျော် ရေတံခွန်ကြီးဖြစ်နေတာပါ။

Iguazu ရေတံခွန်ကြီးသည် Iguazu မြစ်ကြီးပေါ်တွင် ဖြစ်တည်နေခြင်း ဖြစ်ပြီး ရေတံခွန်အခွဲပေါင်း (၂၇၅)ခု အထိခွဲကာ ကျဆင်းနေခြင်း ဖြစ်ပါတယ်။ ထို့ကြောင့် အနိမ့်အမြင့် အမျိုးမျိုးဖြင့် ရေတံခွန်များများစွာ စုစည်းကျဆင်းနေပုံမှာ တွေ့မြင်ရသူအနေဖြင့် ရင်သပ်ရှုမောဖွယ် ဖြစ်စေပါတယ်။

Iguazu ရေတံခွန်ကြီးစုစုပေါင်းအကျယ်ပမာဏသည် (၁.၇ မိုင်) 2.7 km အထိရှိပါတယ်။ အမြင့်အားဖြင့် (၁၉၇ ပေ မှ ၂၆၉ ပေ) 60-82 m အထိ အနိမ့်အမြင့် အမျိုးမျိုးသော ရေတံခွန်များစွာ စုစည်းကျဆင်းနေပါတယ်။

ထူးဆန်းအံ့ဖွယ် တည်ပုံဆန်းသည့် ဇလုံတောင်တော်

သာယာသော ရေမြေတောတောင်များ၏အလယ်တွင် မြင့်မြင့်မားမား ထီးထီးကြီး ထိုးထွက်နေတဲ့ ဇလုံတောင်တော်ရဲ့ ဓာတ်ပုံကို တွေ့မြင်ရသူတိုင်း သွားရောက်ဖူးမျှော်ခြင်လောက်အောင် ဆွဲဆောင်မှုရှိစေတာ အမှန်ပါ။ အထက်မြန်မာပြည်ကျိုက်ထီးရိုးဟု တင်စားရလောက်အောင်ပင် ဇလုံတောင်တော်၏ တည်ရှိနေပုံ အံ့မခန်းဆန်းကြယ်လှသလို သဘာဝရေမြေတောတောင်များကို ဖြတ်သန်းသွားရောက်ရတဲ့ ခရီးကြောင့်လည်း ကျော်ကြားလူသိများလာခြင်း ဖြစ်ပါတယ်။ ထို့ပြင် ညနေ နေ၀င်ချိန်လိုအခါမျိုး၌ နေရောင်မှ ရောင်ပြန်ဟပ်ကာ တောင်တစ်ခုလုံး ရွှေရောင်လွှမ်းနေတတ်သဖြင့် ပိုမိုကျော်ကြားလာခဲ့ရပါသည်။ နေခရမ်းအနေဖြင့် ဇလုံတောင်ဘုရားဖူးခရီးစဉ် အတွေ့အကြုံများနှင့် ဘုရားသမိုင်းကိုပါ အကျဉ်းမျှ တင်ပြပေးခြင်ပါတယ်။

ဇလုံတောင်သည် စစ်ကိုင်းတိုင်းဒေသကြီး ၊ ကသာခရိုင် ၊ ဗန်းမောက်မြို့နယ် တွင် တည်ရှိပြီး ဗန်းမောက်မြို့မှ မြောက်ဘက် (၁၂)မိုင်၊ (၂)ဖာလုံ အကွာ တောတောင်များအတွင်း၌ တည်ရှိနေသော ကျောက်လုံးတောင်ကြီး ဖြစ်ပါသည်။  တောင်တော်သည် ပင်လယ်ရေ မျက်နှာပြင်အထက် အမြင့်ပေ ၃ဝ၉ဝ မြင့်သော တောင်ပေါ်တွင် ကြီးမားလှသော ကျောက်တုံးကြီးများ စုစည်းကာ ထပ်ဆင့်တည်ရှိနေခြင်းပါ။ တောင်ပေါ်၌ ဇလုံတောင်ဟု အမည်ရသော ကျောက်တောင်ကြီး သည် သံတောင် ၄၄၄ တောင် ၊ ပေအားဖြင့် ၆၆၆ ပေ အမြင့်ဖြင့် ထီးထီးကြီးရပ်တည်နေခြင်း ဖြစ်ပါသည်။

Photo:Internet

ဇလုံတောင်တော်သည် ဗုဒ္ဓဘာသာမြန်မာလူမျိုးများ အနေဖြင့် အရိမေတ္တေယျ ဘုရားရှင်ပွင့်တော်မူကာ တရားဦးဟောကြားမည့် တောင်အဖြစ် ရည်စူးမှတ်ယူကာ လာရောက်ဖူးမျှော်ကြသူများပါသည်။ တောင်တော်နှင့် ပတ်သတ်သည့် သမိုင်းအကျဉ်းကို နောက်ပိုင်းတွင် ရေးပေးထားပါသည်။