ကမ္ဘာ့မြေပြင် ရေပြင်ဧရိယာများ ပြောင်းလဲမှုစာရင်း ကောက်ယူ

သိပ္ပံပညာရှင်များသည် ဂြိုလ်တု ဓာတ်ပုံများ အသုံးပြုကာ ပြီးခဲ့သည့် နှစ် (၃၀) အတွင်း ကမ္ဘာ့မြေလွှာပေါ်ရှိ ရေပြင်မြေပြင် ပြောင်းလဲပုံများကို လေ့လာခဲ့ကြသည်။
          ယခင်က မြေပြင်ဖြစ်ခဲ့သော စတုရန်း ကီလိုမီတာ (၁၁၅၀၀၀) စာ နေရာသည် ယခုအခါ ရေလွှမ်းနေပြီး၊ ယခင်က ရေပြင်ဖြစ်ခဲ့သော စတုရန်း ကီလိုမီတာ (၁၇၃၀၀၀) စာ နေရာသည် ယခုအခါ မြေပြင် ဖြစ်နေကြောင်း တွေ့ရှိခဲ့ရသည်။
          နယ်သာလန်ရှိ ဒယ်တာရတ် သုတေသန သိပ္ပံက စစ်တမ်းပြုစုခြင်း ဖြစ်ပြီး  Nature Climate Cha-nge ဂျာနယ်တွင် ထည့်သွင်းဖော်ပြထားသည်။ ကမ္ဘာမြေကို ဆယ်စုနှစ် ပေါင်းများစွာ စောင့်ကြည့် မှတ်တမ်းတင်လျက် ရှိသော နာဆာ၏ Land-sat  ဂြိုလ်တုက ပေးပို့သော မြေပြင်ဓာတ်ပုံများကို နှိုင်းယှဉ်လေ့လာကာ စစ်တမ်းပြုစုခဲ့ခြင်း ဖြစ်သည်။ ဂြိုလ်တုပုံများသည် မြေပြင်(၃၀) မီတာ အ၀န်းအ၀ိုင်းထိကို ကြည်လင်ပြတ်သားစွာ မြင်နိုင်သည်။

ယောက္ခမလောင်းနှင့် အဆင်ပြေလိုလျှင် မာရေကျောရေသာ ဆက်ဆံပါဟု အကြံပြု

ယောက္ခမလောင်း၏ ချစ်ခင် နှစ်သက်ခံလိုပါက လက်ဆောင်များပေးပြီး မချော့ဘဲ သူ၏သား၊ သမီး ဖြစ်သူအား ပျော်ရွှင်အောင် ထားနိုင်မည့်ဟု ကိုယ့် ကိုယ်ကိုယ် ယုံကြည်မှု အပြည့်ဖြင့် ဆက်ဆံပါဟု ပညာရှင် တစ်ဦးက သုတေသနပြုလေ့လာပြီး အကြံပြုလိုက်ပြီ ဖြစ်သည်။
          ယောက္ခမလောင်း ချစ်လာရေး လုပ်ဆောင်ရာတွင် အဆိုးဆုံး နည်းလမ်းမှာ ကိုယ့်ချစ်သူအား ကိုယ့်ကောင်းကြောင်းကို ပြောခိုင်းခြင်း ဖြစ်ကြောင်း ပညာရှင်က ပြောဆိုခဲ့သည်။
          သားသမီးများသည် မိဘများ မနှစ်သက်သည့် လက်တွဲဖော်ကို ရွေးချယ်နိုင်ခြေ ပိုများကြောင်း ပါမောက္ခ မီနဲလောက်စ် အပိုစတိုလိုက သုတေသန စာတမ်း တစ်စောင် ရေးသားပြီး ထောက်ပြသည်။ သားသမီးများသည် သူတို့အတွက် ဆွဲဆောင်မှု ရှိသူကို ရွေးချယ်လေ့ ရှိသော်လည်း မိဘများကမူ လူမှုရေး နောက်ခံနှင့် အရည်အချင်းရှိမရှိ တို့ကို အလေးထားလေ့ ရှိသည်။

ထိုက်ချိကို လူ ( ၅၀၀၀၀) ဖြင့် တစ်ပြိုင်တည်းကစားပြီး စံချိန်သစ်တင်

ထိုက်ချိကစားနည်းဟာ တရုတ်နိုင်ငံ၏ ရိုးရာကစားနည်း တစ်ခုဖြစ်သည်။ ယင်းကစားနည်းကို ယခုအခါ ကမ္ဘာအနှံ့ ကစားနေကြပြီ ဖြစ်သည်။ ပြီးခဲ့သည့် တနင်္ဂနွေနေ့က ထိုက်ချိကို လူပေါင်း ( ၅၀၀၀၀) တစ်ပြိုင်တည်းကစားပြီး  စံချိန်တင်သွားခဲ့သည်။ တရုတ်နိုင်ငံ ဟီနန် အရပ်ဒေသတွင်  ထိုက်ချိကစားနည်းကို လူအများအပြား ပါဝင်ကစားခဲ့ခြင်း ဖြစ်သည်။ ထိုသို့ကစားနိုင်ရန် ပြင်ဆင်မှုများစွာ ပြုလုပ်ခဲ့ရသည်။ လူပေါင်း ( ၅၀၀၀၀) ပါဝင်ဆင်နွှဲခြင်း ဖြစ်သောကြောင့် မတူညီသည့် (၁၅) နေရာတွင် ပြုလုပ်ခဲ့ရပြီး ပါဝင်ဆင်နွှဲသူများသည် ရောင်စုံ အ၀တ်အစားများကို ၀တ်ဆင်ခဲ့သည်။ ယင်းနောက် ထိုက်ချိ ကစားနည်းကို သတ်မှတ်ထားသည့် အချိန်တိုင်း တစ်ပြိုင်တည်း ကစားခဲ့ကြသည်။ ထိုက်ချိ ကစားနည်းသည် (၁၃) ရာစုကတည်းက စတင်ခဲ့ခြင်း ဖြစ်သည်။

ငရုတ်သီးဘုရင်

တရုတ်နိုင်ငံသား တစ်ဦးသည် တစ်နေ့ကို ငရုတ်သီး  (၂ဒသမ ၅) ကီလိုဂရမ်အထိ စားသုံးလေ့ရှိသည်။ ပေါင်ဖြင့် တွက်ချက်ပါက (၅ ဒသမ ၅) ပေါင်အထိ ရှိမည်ဖြစ်သည်။ ထို့ကြောင့် အဆိုပါ အမျိုးသားကို ငရုတ်သီး ဘုရင်အဖြစ် သတ်မှတ် ခေါ်ဆိုကြခြင်း ဖြစ်သည်။ Zhengzhou အရပ်ဒေသတွင် နေထိုင်သော လီအမည်ရ အမျိုးသားသည် ငရုတ်သီးများကို ငယ်စဉ်ကတည်းက နှစ်သက်စွာ စားသုံးခဲ့ခြင်း ဖြစ်သည်။ တစ်နေ့ကို ထမင်းသုံးနပ် စားသည့်အခါတိုင်း ငရုတ်သီး မပါပါက စားတတ်ခြင်း မရှိသော လီသည် ငရုတ်သီးကို စွဲလမ်းနှစ်သက်မှုသည် တဖြည်းဖြည်း ဆိုးရွားလာခဲ့သည်။ လီက မနက်မိုးလင်းသည့်အခါ အခြားသူများသည် သွားတိုက်လေ့ ရှိသော်လည်း  မိမိမှာမူ ငရုတ်သီးတစ်တောင့်ကို ပါးစပ်ထဲ ထည့်လိုက်ကြောင်း၊ ညပိုင်းများတွင်လည်း ငရုတ်သီး အစေ့များကို စားသုံးလေ့ရှိကြောင်း၊ သားဖြစ်သူ ဆေးရုံတက်စဉ်တုန်းက ပိုက်ဆံ မရှိသောကြောင့် ငရုတ်သီးများကို အရည်ဖျော်ပြီး စားလေ့ရှိကြောင်း၊ မိမိ၏ အပြုအမူအတွက် စိုးရိမ်မှုများ ရှိခဲ့ကြောင်း၊ မိမိအနေဖြင့် ငရုတ်သီးစားပြီး စမ်းသပ်မှုများ ပြုလုပ်ခဲ့သော်လည်း မည်သည့် ပြဿနာမျှမရှိကြောင်း ပြောကြားခဲ့သည်။
Credit: messengernewsjournal.com 

လူဝကြီးအဖြစ်မှ ချောမောလှပသူ ဖြစ်အောင် လုပ်ဆောင်နိုင်ခဲ့

ဝနေလို့ စိတ်ပျက်စရာ မလိုပါဘူး။ သို့သော် အ၀လွန်ခြင်းကို လျှော့ချတယ် ဆိုရင်တော့ စိတ်ဓာတ် ကြံ့ခိုင်နေဖို့လိုသည်။ အင်္ဂလန်နိုင်ငံရှိ အမျိုးသမီး တစ်ဦးသည် ယခင်က (၂၅၂) ပေါင်အထိ ရှိခဲ့သည်။ အ၀တ်အစား ၀တ်ရာတွင် စိတ်ပျက်စရာ ဖြစ်လောက်သည်အထိ အ၀လွန်နေခြင်း ဖြစ်သည်။ သို့သော် ယခုအချိန်တွင်တော့ ကိုယ်အလေးချိန်ကို ထက်ဝက် လျှော့ချနိုင်ခဲ့ပြီ ဖြစ်သည်။ ကလေးနှစ်ယောက်မိခင် စီလက်သည် အရပ် ငါးပေ ၊ သုံးလက်မသာ ရှိပြီး အ၀လည်း လွန်သဖြင့်  သွားရလာရ မကောင်းခဲ့သောကြောင့် ကိုယ်အလေးချိန် လျှော့ချရန် ဆုံးဖြတ်ခဲ့သည်။ စီလက်၏ ခင်ပွန်းဖြစ်သူသည် လမ်းလျှောက်စက် တစ်လုံး ၀ယ်ပေးခဲ့ရာ ယင်းသည် ကိုယ်အလေးချိန် လျှော့ချဖို့ အကြောင်းအရင်း ဖြစ်လာခဲ့သည်။ စီလက်သည် လမ်းလျှောက်စက်ကို တစ်ပတ် ငါးကြိမ် အသုံးပြုခဲ့သည်။  (၁၅)လအတွင်း မလျော့သော ဇွဲဖြင့် အသုံးပြုခဲ့ခြင်းကြောင့် ကိုယ်အလေးချိန်ထက်ဝက် လျှော့ချနိုင်ခဲ့သည်။  စီလက်သည် ( ၁၅) လအတွင်း မိုင်ပေါင်း  (၂၇၀၀) လမ်းလျှောက်ခဲ့သည်။  မာရသွန်ပြိုင်ပွဲ (၁၀၃) ပွဲစာနှင့် ညီမျှသည့် လမ်းလျှောက်ခြင်းကို လမ်း လျှောက်စက်ဖြင့်  ပြုလုပ်ခဲ့ခြင်း ဖြစ်သည်။ ယခင်က အပြင်ထွက်သည့် အခါတိုင်း  မှန်မကြည့်ရဲလောက်အောင် အ၀လွန်ခဲ့သော စီလက်သည် လေ့ကျင့်ခန်းများကို အကောင်းဆုံး ပြုလုပ်ခဲ့ပြီး အစားအစာကိုလည်း မျှတအောင် စားနိုင်ခဲ့ခြင်းကြောင့် လှပသည့် အရွယ်အစားကို ရောက်ရှိသွားခဲ့ခြင်း ဖြစ်သည်။
Credit: messengernewsjournal.com 

အဓမ္မကျင့်ခံရသော အမျိုးသားများအတွက် နှစ်သိမ့်ဆွေးနွေးစင်တာ

လိင်အဓမ္မပြုကျင့်ခံရသော အမျိုးသားများအား နှစ်သိမ့်ဆွေးနွေး စောင့်ရှောက် ပေးမည့် ကမ္ဘာ့ပထမဆုံး ကျန်းမာရေးစင်တာကို ဆွီဒင်နိုင်ငံတွင် ဖွင့်လှစ်လိုက်ပြီ။
          ဆွီဒင်သည် ဥရောပတွင် အမျိုးသားများ လိင်အဓမ္မကျင့်ခံရမှု အများဆုံးနိုင်ငံလည်း ဖြစ်သည်။ စတော့ဟုမ်းမြို့ရှိ ဆိုဒါဂျန်ဟူဆတ် ဆေးရုံတွင် ဖွင့်လှစ်ထားသည်။ ထိုဆေးရုံသည် လိင်အဓမ္မကျင့်ခံရသည့် အမျိုးသမီးများ အတွက် (၂၄) နာရီ ၀န်ဆောင်မှု စင်တာကိုလည်း ပြီးခဲ့သည့် နှစ်များစွာကတည်းက ဖွင့်လှစ်ထားပြီး ဖြစ်သည်။ ထိုဆေးခန်းသို့ တစ်နှစ်လျှင် အမျိုးသမီး (၆၀၀)၊ (၇၀၀) ခန့် ရောက်ရှိလေ့ရှိကြောင်း သိရသည်။

မွေးရာပါ ခြေထောက် မရှိခဲ့ပေမယ့် ထင်ရှားတဲ့ ကစားသမားဖြစ်လာ

 
အသက်(၂၄)နှစ်အရွယ်ရှိ တက်စတီနာသည် မွေးကတည်းက ခြေထောက်မပါ ခဲ့သော်လည်း ထင်ရှားသည့် ကစားသမား ဖြစ်အောင် ပြုလုပ်နိုင်ခဲ့သည်။  အသက် လေးနှစ်အရွယ်တွင် မိသားစု၏ စွန့်ပစ်ခြင်းကို ခံလိုက်ရသော တက်စတီနာ၏ ဘ၀သည် ခက်ခဲကြမ်းတမ်း လွန်းလှသည်။ ပြီးခဲ့သည့် နှစ် (၂၀) ကျော်က ဖြစ်ပွားခဲ့သော ချာနိုဘွိုင်း နျူကလီးယား ဓာတ်ပေါင်းဖို ပေါက်ကွဲမှုသည် အရှေ့ ဥရောပနိုင်ငံများကို ရိုက်ခတ်ခဲ့သည်။ ထိုအထဲတွင် တက်စတီနာလည်း ပါဝင်ခဲ့သည်။ နျူကလီးယားကြောင့် တက်စတီနာကို မွေးရာတွင် လက်လေးချောင်းသာ ပါဝင်ခဲ့ပြီး ခြေထောက်များ ပါဝင်လာခြင်း မရှိပေ။ ထို့ပြင် သားအိမ်လည်း မပါရှိသောကြောင့်  ကလေ မွေးဖွားနိုင်တော့မည် မဟုတ်ပေ။ ယင်းကဲ့သို့ အခြေအနေဆိုးများကို ရင်ဆိုင်ခဲ့ရသော မသန်စွမ်း တစ်ဦးအတွက် ဘ၀ကို ဖြတ်သန်းရာတွင် အခက်အခဲများစွာ ရှိခဲ့သော်လည်း အကောင်းဆုံး လုပ်နိုင်ခဲ့သည်။

သားဦး၊ သမီးဦးများ အဝေးမှုန်နိုင်ခြေပိုများ

သားဦး၊ သမီးဦးများသည် နောက်မှ မွေးသော  ကလေးများထက် အဝေးမှုန်နိုင်ခြေ ပိုများကြောင်း လေ့လာမှု တစ်ခုတွင် ဖော်ပြထားသည်။
          သားဦး၊ သမီးဦးများအား မိဘများသည် ကျောင်းစာတွင် သူများထက် ရှေ့ရောက်စေရန် လွန်စွာဖိအားပေးမှုကြောင့် ကလေးငယ်များ စာအုပ်နှင့် မျက်နှာအပ်ရချိန် ပိုများသဖြင့် မျက်လုံးမှုန်နိုင်ခြေ ပိုများရခြင်း ဖြစ်ကြောင်း ကျွမ်းကျင်သူများက ပြောသည်။ ကာဒစ်ဖ် တက္ကသိုလ်မှ သိပ္ပံပညာရှင်များသည် ဗြိတိန်နိုင်ငံသား အသက် (၄၀) မှ (၆၉) နှစ်ကြား လူ (၈၉၀၀၀) တို့၏ ကျန်းမာရေး မှတ်တမ်းများကို လေ့လာမှု ပြုလုပ်ခဲ့သည်။
          သားဦးသမီးဦးများသည် နောက်မှ မွေးသော ကလေးများထက် အဝေးမှုန်နိုင်ခြေ (၁၀) ရာခိုင်နှုန်း ပိုများကြောင်း လေ့လာတွေ့ရှိခဲ့သည်။ မိဘများသည် သားဦးသမီးဦးများ၏ ပညာရေးကို ပိုမို အလေးပေးတတ်ပြီး ကလေးများအား စာမလုပ်လျှင် လုပ်ချင်အောင် နည်းလမ်းမျိုးစုံဖြင့် ဖိအားပေးတတ်ကြောင်း ပညာရှင်များက ပြောသည်။

အာဖရိကတိုက် တစ်ခုလုံး လှည့်လည်သွားလာနေတဲ့ အဘိုးအို

အသက် (၆၉) နှစ် ရှိသွားပြီဖြစ်သော်လည်း အခက်ခဲဆုံး ခရီးလမ်းကို သွားလာနေသူက အသက် (၆၉) နှစ် အရွယ်ရှိ  ကင်စလေဟိုလ်ဂတ် ဖြစ်သည်။ ဟိုလ်ဂတ်သည် ပြီးခဲ့သည့်နှစ် (၄၀) ကျော် ကာလအတွင်း အာဖရိကတိုက် တစ်ခုလုံး သွားလာမူ ပြုလုပ်ခဲ့ပြီး ဖြစ်သော်လည်း စွန့်စားမူများ ထပ်မံပြုလုပ်သွားဦးမည် ဖြစ်ကြောင်း သိရသည်။ ယခင်က ဟိုလ်ဂတ်သည် အာဖရိကတိုက်ရှိ (၅၄) နိုင်ငံ စလုံးကို သွားလာပြီး ဖြစ်သည်။ ယခုပြုလုပ်မည့် စွန့်စားမူက ပိုပြီး စိတ်လူပ်ရှားစရာ ကောင်းသည်။ အာဖရိကတိုက်၏ နှလုံးသား အလယ်ဗဟိုချက်အဖြစ် တင်စားထားသော နေရာသို့ သွားရောက်မည် ဖြစ်သည်။ ယင်းနေရာကို ရောက်ရှိရေးအတွက် ဟိုလ်ဂတ်အနေဖြင့် စိန်ခေါ်မူများနှင့် ရင်ဆိုင်ရမည် ဖြစ်သည်။
      ယင်းခရီးစဉ်ကို တောင်အာဖရိက နိုင်ငံတွင် စတင်မည်ဖြစ်ပြီး ဘော့ဆွာနာ၊ ဇင်ဘွာဘွေ၊ ကွန်ဂိုစသည့် ဒေသများကို သွားရောက်မည်ဖြစ်ပြီး ကွန်ဂိုရှိ တောနက်ကြီးတွင် ခရီးစဉ်ကို အဆုံးသတ်မည် ဖြစ်သည်။ ယင်းနေရာကို သွားရောက်ရာတွင် ဟိုလ်ဂတ်အတွက် ယခင်ကထက် ခက်ခဲမူများ ပိုတွေ့ရမည် ဖြစ်သည်။ မြစ်များကို ဖြတ်သန်းရမည် ဖြစ်သောကြောင့် မိကျောင်းများကို ရင်ဆိုင်ရမည် ဖြစ်သည်။ ဟိုလ်ဂတ်သည် ငှက်ဖျားရောဂါ ကြိမ်ဖန်များစွာ ဖြစ်ခဲ့သည်။ ထို့ပြင် ဒုက္ခမျိုးစုံကိုလည်း တွေ့ခဲ့ပြီး ဖြစ်သည်။ သို့သော် အာဖရိကတိုက်တွင် နှစ်ပေါင်း (၄၀) ကျော် ပျော်ရွှင်နေသောကြောင့် စွန့်စားမူများနှင့် အသားကျနေသည်။ ထို့ကြောင့် စွန့်စားသည့် ခရီးစဉ်ကို ထပ်မံသွားရောက်ရန် စီစဉ်ထားခြင်း ဖြစ်သည်။
Credit: messengernewsjournal.com