ကြည့်ရှုနားထောင်မှုအများဆုံး သီချင်းအဖြစ် ဂရင်းနစ်စံချိန်ဝင်သွားတဲ့ Despacito သီချင်း

အဆိုတော် ဂျက်စတင်ဘီဘာဟာ Luis Fonsi, Daddy Yankee တို့နဲ့အတူ သီဆိုထားတဲ့ သူ့ရဲ့ Despacito (Remix) သီချင်းဟာ ကမ္ဘာတဝန်း Streaming ကြည့်ရှုနားထောင်မှုအများဆုံး သီချင်းအဖြစ် ဂရင်းစံချိန်ကို ချိုးနိုင်ခဲ့ပြီဖြစ်ပါတယ်။

လက်တင်ဂီတသံစဉ်နဲ့ ရေးသားစပ်ဆိုထားတဲ့ အဲဒီသီချင်းဟာ ဂျက်စတင်ဘီဘာအနေနဲ့ ပထမဆုံးအကြိမ် စပိန်ဘာသာနဲ့ သီဆိုထားတဲ့ သီချင်းဖြစ်ပြီး ပြီးခဲ့တဲ့ ၂၀၁၇ ခုနှစ်၊ ဧပြီလမှာ ဖြန့်ချိခဲ့ချိန်ကစလို့ အကြိမ်ပေါင်း ၅ ဘီလီယံနီးပါး Streaming ကြည့်ရှုနားထောင်ခဲ့ကြပြီးဖြစ်တယ်လို့ ဆိုပါတယ်။ အဲဒီပမာဏဟာ အဆိုတော် ဘီဘာရဲ့ Sorry သီချင်းတင်ထားခဲ့တဲ့ အကြိမ်ရေ ၄ ဒဿမ ၃ ဘီလီယံစံချိန်ကို ကျော်တက်နိုင်ခဲ့ တာပဲ ဖြစ်ပါတယ်။

အသက် ၁၂ နှစ်အရွယ်ဖြင့် တက္ကသိုလ်ဝင်ခွင့် အောင်မြင်ခဲ့သည့် ဉာဏ်ကြီးရှင် မက္ကဆီကိုကျောင်းသားလေး

ကားလို့စ်ဆန်တာမာရီယာဒိုင်ယက်ဇ် ဆိုတဲ့ အသက် ၁၂ နှစ်အရွယ် ကျောင်း သားလေးက မက္ကဆီကိုနိုင်ငံ၊ မက္ကဆီ ကိုမြို့ရဲ့ နာမည်ကျော်တက္ကသိုလ်ဖြစ်တဲ့National Autonomous Universityကို အသက်အငယ်ဆုံးနဲ့ဝင်ခွင့်အောင် မြင်ခဲ့ပါတယ်။ ဒီတက္ကသိုလ်ရဲ့သမိုင်းတစ် လျှောက်လုံးမှာ အသက်အငယ်ဆုံးနဲ့ ဝင် ခွင့်ရခဲ့တဲ့ ကျောင်းသားလည်းဖြစ်လာခဲ့ပြီး ဉာဏ်ကြီးရှင်ကျောင်းသားလေးအဖြစ် ချီး မွမ်းခံနေရပါတယ်။ ဇီဝဆေးသိပ္ပံရူပဗေဒ ဘာသာရပ်အထူးပြုနဲ့ တက္ကသိုလ်မှာ ပညာဆည်းပူးလေ့လာသွားမယ်လို့ သိရ ပါတယ်။ မက္ကဆီကိုနိုင်ငံ၊ ကွာဒါလာဂျာ ရာမြို့မှာ ပုဂ္ဂလိကကျောင်းတက်ရောက်ခဲ့ ပြီး သင်ယူရတဲ့ဘာသာရပ်တွေက ပျင်းရိ ငြီးငွေ့ဖွယ်ဖြစ်လာတဲ့အတွက် အွန်လိုင်း ဝက်ဘ်ဆိုက်တွေမှာ ကဲကုလစ်သင်္ချာနဲ့ ရူပဗေဒဘာသာရပ်တွေကို ကိုယ်ထူကိုယ် ထလေ့လာဖြစ်ခဲ့တဲ့အပြင် အသက်ကိုး နှစ်အရွယ်မှာတော့ စိတ်ဖြာလေ့လာမှု ဓာ တုဗေဒဘာသာရပ်၊ ဇီဝဓာတုနဲ့ ဇီဝဗေဒ ဘာသာရပ်တွေကိုလည်း တက္ကသိုလ်အစီ အစဉ်တွေနဲ့ ပါဝင်လေ့လာမှုပြုလုပ်ခဲ့ပြီး ဖြစ်ပါတယ်။

မြန်ပြည်တလွှား မြို့ထူးများ

ဆန့်ကျင်ဘက်မြို့များ
==============
၁။ ကျောက်ဖြူ  X ကျောက်မဲ
၂။ မိုးကောင်း X မိုးနဲ
၃။ တောင်ကြီး X တောင်ကုတ်
၎။ အလုံ X ပေါက်
၅။ အမြင့် X မြေထဲ
၆။ မေမြို့ X မောင်တော

အက္ခရာပူးမြို့များ
============
၁။ ကိုကိုးကျွန်း ၂။ ကျောက်ကြီး ၃။ ကျောင်းကုန်း ၄။ ဂန့်ဂေါ ၅။ ဆီဆိုင် ၆။ တံတား ၇။ တွံတေး ၈။ မြောင်းမြ ၉။ မြင်းမူ ၁၀။ မိုးမိတ် ၁၁။ မိုးမောက် ၁၂။ မောက်မယ် ၁၃။ တီးတိန် ၁၄။ လောင်းလုံ ၁၅။ လွိုင်လင် ၁၆။ ဟဲဟိုး ၁၇။ မေမြို့

မိတ်ကပ်လိမ်းခြယ်မှုများ ဖြစ်ပေါ်လာပုံ သမိုင်း အစ

လွန်ခဲ့တဲ့ နှစ်ပေါင်း ၁၀၀၀ ကျော်လောက်က စတင်ပြီးတော့ သုသေသန ပြုလုပ်ခြင်း၊ ဓာတုဗေဒ ပညာရှင်၊ မိတ်ကပ်ပညာရှင်၊ ဖက်ရှင် ဒီဇိုင်နာတွေ၊ ဘာသာရေး ခေါင်းဆောင်တွေနဲ့ နိုင်ငံခေါင်းဆောင်တွေအထိ မိတ်ကပ်ဟာ ပါဝင်ပတ်သက်မှု ရှိလာပါတယ်။

ရှိတာထက်ပိုပြီး ပြည့်စုံချင်တဲ့ လူ့သဘာဝ၊ မိမိကိုယ်ကို ပိုမိုလှပချင်တဲ့ စိတ်သဘောထားတွေကြောင့် မိတ်ကပ်ဟာ နေ့စဉ်ဘဝမှာ အရေးကြီးတဲ့ အစိတ်အပိုင်းက ပါဝင်လာပါတယ်။ ဒါကြောင့် နိုင်ငံအသီးသီးက မိတ်ကပ် လိမ်းခြယ်ပုံတွေနဲ့ မိတ်ကပ်ဖြစ်ပေါ်လာပုံတွေကို ဖော်ပြပေးချင်ပါတယ်။

(၁) အီဂျစ်

အီဂျစ်နိုင်ငံဟာ မိတ်ကပ်အသုံးပြုမှုကို ကောင်းမွန်စွာ မှတ်တမ်းတင်ထားတဲ့ နိုင်ငံဖြစ်ပါတယ်။ BC ၄၀၀၀ လောက်က စတင်ပြီး အီဂျစ်တွေဟာ မိတ်ကပ်ကို လိမ်းခြယ်ဖို့ တီထွင် ပြုလုပ်ခဲ့ကြပါတယ်။ ကြေးနီ သတ္တုရိုင်းကို မျက်လုံးဘေး ခြယ်သဖို့ အသုံးပြုခဲ့ကြပြီး မျက်လုံးအတွင်းပုံစံကို ပေါ်လွင်စေဖို့ Kohl ကို အသုံးပြုခဲ့ကြပါတယ်။ အနီရောင်မြေစေးကို နှုတ်ခမ်းနီအတွက် အသုံးပြုခဲ့ပြီးတော့ ဒန်းပင်ကိုတော့ ခြေသည်း၊ လက်သည်း အလှဖော်ဖို့ သုံးစွဲခဲ့ကြပါတယ်။

မက္ကဆီကိုက ကားသူခိုး အသုဘကားကို ခိုးတော့ အလောင်းကြီးပါ ပါလာ

မက္ကဆီကိုနိုင်ငံ အလယ်ပိုင်းက ကားသူခိုးတစ်ဦးကို ရဲတပ်ဖွဲ့က ဖမ်းဆီးရမိခဲ့ပါတယ်။ အဆိုပါ ကားသူခိုးဟာ လူသေအလောင်းရှိနေတဲ့ နာရေးကားကို ခိုးယူသွားတာ ဖြစ်ပါသတဲ့။ အသက် ၈၀ အရွယ် သေဆုံးသူရဲ့အလောင်းကို ဆေးရုံကနေ အသုဘရှုရင်ခွဲရုံကို ပို့ဆောင်ဖို့အတွက် အဆင်သင့် လုပ်ထားခဲ့တာဖြစ်တယ်လို့ တလာကေးပါကေးရဲဌာနက ထုတ်ပြန်ထားပါတယ်။ သော့တန်းလန်းနဲ့ ဖြစ်နေတဲ့ အသုဘကားကို အသက် ၄၀ အရွယ် ကားခိုးသူက ပြီးခဲ့တဲ့ သောကြာနေ့ညက ယူမောင်းသွားခဲ့တာ ဖြစ်ပါတယ်။
အဝေးပြေး လမ်းမကြီးအတိုင်း နာရေးကားကို မောင်းပြေးသွားပေမယ့် ရဲတွေက လိုက်လံဖမ်းဆီးရမိခဲ့ပါတယ်။ ကွယ်လွန်သူကိုရော အသုဘယာဉ်ကိုပါ ပြန်လည်ရရှိထားပြီး ဖြစ်ပါတယ်။
မူရင်း:The Voice Myanmar

သင်္ဘောကျင်းမဆံ့အောင် ကြီးသွားတဲ့ စပိန်ရေငုပ်သင်္ဘောသစ်

လွဲမှားမှုတွေရှိခဲ့တဲ့ စပိန် ရေငုပ်သင်္ဘောသစ်ကို ပြုပြင်ရင်း သင်္ဘောကျင်းနဲ့မဆံ့အောင် ကြီးသွားခဲ့လို့ သင်္ဘောကျင်းကိုပါ ပြုပြင်မွမ်းမံရတော့မှာပါ။ S-80 ရေငုပ်သင်္ဘောဟာ ၂၀၁၃ ခုနှစ်ကတည်းက ပထမဆုံး ပြဿနာကြုံခဲ့တာပါ။ S-80 ရေငုပ်သင်္ဘောကို ဒီဇိုင်းဆွဲဖို့ တွက်ချက်မှုတွေလုပ်ရာမှာ ဒဿမကိန်း အထားအသိုမှားပြီး ရှိသင့်ရှိထိုက်တဲ့ အလေးချိန်ထက် တန် ၁၀၀ ပိုသွားခဲ့ပါတယ်။ အဲဒီအတွက် S-80 ရေငုပ်သင်္ဘောဟာ ရေငုပ်နိုင်ပေမယ့် ရေပေါ် ပြန်ပေါ်လာနိုင်ခြင်း မရှိပါဘူး။

အဲဒီပြဿနာကို ဖြေရှင်းနိုင်ဖို့အတွက် ရေငုပ်သင်္ဘောကို ဒီဇိုင်းပြန်ဆွဲပြီး ဖော့ဂုဏ်သတ္တိ ပိုကောင်းအောင် သင်္ဘောရဲ့ အရှည်ကို တိုးမြှင့်ခဲ့ပါတယ်။ S-80 ရေငုပ်သင်္ဘောရဲ့ မူလအရွယ်အစားက အရှည် ၇၁ မီတာရှိပြီး တန်ချိန် ၂၂၀၀ ရှိပေမယ့် ပြုပြင်မှုတွေ လုပ်ခဲ့ပြီးနောက်မှာတော့ အရှည် ၈၁ မီတာ၊ တန်ချိန် ၃၀၀၀ ရှိသွားခဲ့ပါတယ်။ အဲဒါကြောင့် ကာတာဂျီနာမြို့မှာ အခြေစိုက်တဲ့ စပိန်ရေတပ် အခြေစိုက်စခန်းကို သောင်ပြန်တူးရမှာဖြစ်ပြီး ပြုပြင်မွမ်းမံမှုတွေ လုပ်ရတော့မှာပါ။ S-80 ရေငုပ်သင်္ဘောကို ပြုပြင်ရင်းနဲ့ ရေငုပ်သင်္ဘောတစ်စင်းစီရဲ့ ကုန်ကျစရိတ်က နှစ်ဆနီးပါး မြင့်တက်သွားခဲ့ပြီး ယူရို ၁ ဘီလျံလောက် ကုန်ကျခဲ့ပါတယ်။
Credit:Yoyarlay

မိမိခံစားရသည့် ဝေဒနာထက် လူနာများအသက်ကို ကယ်တင်ခဲ့သည့် လေးစားဖွယ် နှလုံးလှဆရာဝန်

ဆရာဝန်တစ်ဦးဟာ ခွဲစိတ်ခန်းအတွင်း အူအတက်ပေါက်ကာ ပြင်းထန်စွာနာကျင်မှု ခံစားနေရပေမယ့် အရေးကြီးသည့် လူနာများအတွက် ခွဲစိတ်မှု ၉ ခုကို ပြီးစီးအောင်လုပ်ပေးခဲ့ပါသည်။ တရုတ်နိုင်ငံအရှေ့ပိုင်း အန်ဟွီပြည်နယ်မှ ခွဲစိတ်ဆရာဝန်တစ်ဦးဖြစ်သော လျန်ဖူချွင့်သည် ခွဲခန်းအတွင်း လူနာများကို ခွဲစိတ်ကုသပေးနေစဉ်တွင် မခံမရပ်နိုင်သော နာကျင်မှု ခံစားလာရပါသည်။
ကိုကိုယ်တိုင်လည်း အူအတက်ရောင်ရောဂါခံစားရပြီး ပြင်းထန်စွာနာကျင်နေပေမယ့် မိမိရဲ့လူနာများသည် ပိုအရေးကြီးသည်ဟုဆိုကာ ဝေဒနာကိုအောင့်အီးသည်းခံ၍ ခွဲစိတ်မှု ၉ ခု ပြီးအောင်လုပ်ပေးခဲ့ပါသည်။

ဒါပေမယ့် အလွန်နာကျင်မှု ခံစားနေရချိန် ခွဲစိတ်မှုကို အပြည့်အဝအာရုံစိုက်ကာ အမှားအယွင်းကင်းနိုင်ရန်အတွက် ခွဲစိတ်ခန်းထဲမှာ အခြားလုပ်ဖော်ကိုင်ဖက်များမှ ဒေါက်တာလျန် နာကျင်ကိုက်ခဲမှု သက်သာစေဖို့ ဆေးနှစ်ကြိမ် ထိုးပေးခဲ့ရပါသည်။
ခွဲစိတ်မှုတွေပြီးဆုံးခဲ့ချိန်တွင် ဒေါက်တာလျန်ရဲ့အခြေအနေကို  စစ်ဆေးလိုက်ရာတွင် အူအတက်ပေါက်သွားခဲ့ပြီဖြစ်တာကြောင့် အရေးပေါ်ခွဲစိတ်ကုသမှု ချက်ချင်းပြုလုပ်လိုက်ရပါသည်။

ဘရာဇီး မိုးသစ်တောထဲမှာ တစ်ဦးတည်း ကျန်ရစ်ခဲ့တဲ့ လူရိုင်းမျိုးနွယ်ဝင်

ဘရာဇီးနိုင်ငံ မိုးသစ်တောထဲမှာ နေထိုင်ပြီး ပြင်ပကမ္ဘာနဲ့ ထိတွေ့မှုမရှိသေးတဲ့ အမေဇုန် လူရိုင်းမျိုးနွယ်ဝင်ထဲက တစ်ဦးတည်း ကျန်ရစ်တဲ့ လူရိုင်းတစ်ယောက်ကို ကင်မရာနဲ့ မှတ်တမ်းတင်နိုင်ခဲ့ပါတယ်။ လူရိုင်းမျိုးနွယ်တွေ နေထိုင်တဲ့နေရာကို နယ်မြေချဲ့ထွင်မှုလုပ်လာသူတွေက လူရိုင်းတွေကို တိုက်ခိုက်ကြတဲ့အတွက် လွန်ခဲ့တဲ့ ၂၂ နှစ်လောက်ကတည်းက အဲဒီလူရိုင်းမျိုးနွယ်မှာ သူတစ်ယောက်ပဲ ကျန်ရစ်ခဲ့တာလို့ ဘရာဇီး အစိုးရဝန်ထမ်းတွေက ယုံကြည်နေပါတယ်။

၁၉၉၅ ခုနှစ်မှာ နောက်ဆုံးဖြစ်ပွားခဲ့တဲ့ လယ်သမားတွေရဲ့ တိုက်ခိုက်မှုအပြီးမှာတော့ နဂိုကတည်းက ၆ ယောက်လောက်ပဲရှိတဲ့ လူရိုင်းမျိုးနွယ်စုမှာ သူတစ်ယောက်ပဲ ကျန်ရစ်ခဲ့တာလို့ ဘရာဇီးနိုင်ငံ အမျိုးသားအင်းဒီးယန်းဖောင်ဒေးရှင်းက ပြောပါတယ်။ ကင်မရာမှာ မှတ်တမ်းတင်နိုင်ခဲ့တဲ့ လူရိုင်းဟာ လန်ကွတ်တီ ဝတ်ထားပြီး ဆံပင်တော်တော်ရှည်နေတာ တွေ့ရပါတယ်။ သူက သစ်ပင်ကို ခုတ်လဲနေတဲ့ပုံစံရှိပါတယ်။
yoyarlay

ဂင်းနစ်စံချိန်ဝင်ခဲ့သော ကမ္ဘောဒီးယားနိုင်ငံမှ လက်ဖြင့် ရက်လုပ်ထားသည့် ကမ္ဘာ့ အရှည်ဆုံး လည်စည်း

ကမ္ဘောဒီးယားနိုင်ငံ၏ လက်ဖြင့် ရက်လုပ်ထားသည့် လည်စည်းပုဝါ (သို့ မဟုတ်) ခမာဘာသာစကားဖြင့် krama သည် ကမ္ဘာ့ အရှည်ဆုံးလည်စည်းအဖြင့် ဇူလိုင် ၁ ရက်တွင် ဂင်းနစ်စံချိန် စာအုပ်၌ မှတ်တမ်းတင်ခံရကြောင်း သိရသည်။

အကျယ် ၈၈ စင်တီမီတာ နှင့် အလျား ၁၁၄၉.၈ မီတာရှိသော krama ကို ရက်ကန်းစင် ၂ဝ ခု ဖြင့် အချိန် ငါးလ နီးပါးယူ၍ ရက်လုပ်ခဲ့ရသည်။ ၄င်းလည်စည်းကို ဖနွမ်းပင်မြို့ ရှိ အမျိုးသားပြတိုက်ရှေ့ ၌ စီတန်းလှည့်လည်ပြသခဲ့ရာ လာရောက်ကြည့်ရှုသူများကလည်း ဝိုင်းဝန်း သယ်ဆောင်ခဲ့ကြကြောင်း သိရသည်။
“ အရှည် ၁၁၄၉.၈ မီတာနဲ့ ကမ္ဘာ့ အရှည်ဆုံး လည်စည်းအဖြစ် ဂင်းနစ်ကမ္ဘာ့ စံချိန်စာအုပ်မှာ မှတ်တမ်းဝင်သွားပြီပေါ့” ဟု အဆိုပါ အခမ်းအနားသို့ တက်ရောက်လာသော ဂင်းနစ်စံချိန် အကဲဖြတ်အဖွဲ့ ဝင်တစ်ဦးဖြစ်သူ Swapnil Dangarikar က ဧည့်ပရိသတ် ၂ဝ,ဝဝဝ ကျော်အား ထုတ်ဖော် ကြေညာခဲ့သည်။

ဆန့်ကျင်ဘက်လိင်တွေအဖြစ် အပီပြင်ဆုံး သရုပ်ဆောင်ခဲ့ကြတဲ့ သရုပ်ဆောင် ၄ ယောက်

သရုပ်ဆောင်တွေဟာ သူတို့ရဲ့ အနုပညာအဆင့်အတန်းတခုအတွက် ဘယ်လိုဇာတ်ရုပ်မျိုးမဆို ပါဝင်သရုပ်ဆောင်ဖို့ ဝန်မလေးကြသူတွေ ဖြစ်ပါတယ်။ သူတို့ရဲ့ နဂိုမူရင်းပုံစံကို တခြားသူတယောက်အဖြစ် လုံးဝပြောင်းလဲပစ်ပြီး သရုပ်ဆောင်ခဲ့တဲ့ သရုပ်ဆောင်များကို ဧရာဝတီရဲ့ စာဖတ်ပရိတ်သတ်အတွက် ပြန်လည်မျှဝေပေးလိုက်ရပါတယ်။
 (၁) Angelina Jolie

Jolie ဟာဆိုရင် Salt (2010)မှာ CIAရဲ့ အမှုထမ်းအဖြစ် ရုရှားတွေကို ထောက်လှမ်းခဲ့တာပဲဖြစ်ပါတယ်။ ဇာတ်လမ်းအရ အမျိုးသမီးအမှုထမ်းအဖြစ်ကနေ အမျိုးသားတယောက်အဖြစ်ပုံစံပြောင်းထောက်လှမ်းရမှာဖြစ်ပါတယ်။ ဒါကြောင့် Jolie ဟာ Salt ကို ရိုက်ကူးနေစဉ်မှာ အဝတ်လဲခန်းထဲအချိန် အတော်အကြာအသုံးချပြီး သူမရဲ့ ရှိရင်းစွဲ ပုံစံထက် လုံးဝကွဲထွက် သွားအောင် ပြောင်းလဲဖြစ်ခဲ့တာပဲဖြစ်ပါတယ်။

(၂) Eddie Redmayne

Eddie Redmayne ကတော့ ပန်းချီဆရာတယောက်ဖြစ်တဲ့ Einar Wegener ရဲ့ အကြောင်းကိုရိုက်ကူးထားတဲ့ ၁၉၂၀ ခုနှစ်နောက်ခံ The Danish Girl (2015)မှာ သရုပ်ဆောင်ခဲ့တာပဲဖြစ်ပါတယ်။ Einar ဟာ သူ့ကိုယ်သူ ယောက်ျား တယောက်အဖြစ်နဲ့ အသက်ဆက်ရှင်မနေလိုတော့ဘဲ ကမ္ဘာ့ပထမဆုံး လိင်အင်္ဂါပြောင်းလဲမှု ပြုလုပ်ခဲ့ တာပဲဖြစ်ပါတယ်။ The Dannish Girl ရုပ်ရှင်မှာ Eddie Redmayne ဟာ ပန်းချီဆရာတယောက်အဖြစ်ရော လီလီဆိုတဲ့အမျိုးသမီးအဖြစ်ပါ ပီပီပြင်ပြင်သရုပ်ဆောင်နိုင်ခဲ့ပါတယ်။

ချစ်သူခွင့်လွှတ်စေဖို့ မြို့အတွင်း ကြော်ငြာဘုတ် ၃၀၀ ထောင်ပြီး တောင်းပန်တဲ့ အိန္ဒိယနိုင်ငံသား

အိန္ဒိယနိုင်ငံက အသက် ၂၅ နှစ်အရွယ် လူရွယ်တစ်ဦးဟာ ချစ်သူစိတ်ဆိုးပြေစေဖို့ လမ်းတစ်လျှောက်မှာ ပိုစတာပေါင်း ၃၀၀ ထောင်ပြီး ပြန်တောင်းပန်ခဲ့တယ်လို့ သိရပါတယ်။ လူငယ်စီးပွားရေးလုပ်ငန်းရှင်တစ်ဦးဖြစ်တဲ့ နီလက် ခီဒီကာဟာ ချစ်သူဖြစ်သူ ရှီဒီက စိတ်ဆိုးသွားခဲ့ပြီးနောက် ချစ်သူရဲ့ ခွင့်လွတ်မှုရဖို့ အခုလိုမျိုး တောင်းပန်ခဲ့တာဖြစ်ပါတယ်။

ချစ်သူနှစ်ဦး ရန်ဖြစ်ရတဲ့အကြောင်းအရင်းကို အတိကျမသိသေးဘူးလို့ သတင်းမှာ ဖော်ပြထားပါတယ်။ ခီဒီကာဟာ ရန်ဖြစ်ခဲ့တဲ့ ချစ်သူ ရှီဒီ မွန်ဘိုင်းမြို့ကနေ Pimple Saudagar မြို့ဆီ ပြန်လာမယ့်ကြားတဲ့အချိန်မှာ "ရှီဒီရေ ငါတောင်ပန်းပါတယ်" ဆိုတဲ့ စာသားတွေ ရေထားတဲ့ ကြေငြာဘုတ်တွေ၊ ပိုစတာတွေကို ကပ်ထားခဲ့တာပါ။ ခီဒီကာဟာ မြို့ကို ရှီဒီ ပြန်ရောက်မယ့် ညပိုင်းမှာ လူငယ်အုပ်စုတစ်စုရဲ့အကူအညီ ရယူပြိး မြို့အတွင်းက ကြေငြာဘုတ် တွေ၊ လမ်းဘေး တိုင်တွေ နဲ့ ကားလမ်းလယ်မှာထောင်ထားတဲ့ တိုင်တွေမှာ လိုက်ကပ်ခဲ့တာဖြစ်ပါတယ်။

၁၆ နှစ်သမီးအရွယ်တွင် ပေါင် ၂ သန်းထီဆုကြီး ပေါက်ခဲ့သော်လည်း ယင်းကြောင့်ပင် ဒုက္ခရောက်သွားခဲ့ရသူ

ဗြိတိန်တွင် မိန်းကလေးတစ်ဦးသည် ၁၆ နှစ်သမီးအရွယ်တွင်ပင် ပေါင် ၂ သန်း (ဒေါ်လာ ၂ ဒသမ ၆ သန်း) ထီဆုကြီး ပေါက်ခဲ့သဖြင့် ဗြိတိန်အငယ်ဆုံး ကံထူး ရှင်ဖြစ်ခဲ့သည်။ သို့သော် ၎င်းက ထိုငွေ များကို အလှအပခွဲစိတ်ပြုပြင်ရာတွင်၊ မူး ယစ်ဆေးဝါးသုံးစွဲရာတွင်၊ ပျော်ပါးရာတွင် အလျှံအပယ်သုံးစွဲခဲ့သဖြင့် နှစ်အနည်း ငယ်အကြာတွင်ပင် ထိုငွေများကုန်သွား တော့သည်။ ထို့ကြောင့် ထီထိုးရာတွင် အသက်ကန့်သတ်ထားသင့်ကြောင်း ယခုအ ချိန်တွင် အသက် ၃၁ နှစ်ရှိပြီဖြစ်သည့် ကယ်လီရော်ဂျာစ်က ဆိုသည်။

ထီဆုကြီး ပေါက်သဖြင့် လူပေါင်းများစွာက မိမိထံမှ ငွေချူစားကြသဖြင့် မိမိမှာ နောက်ဆုံးတွင် လူများကို မယုံရဲတော့ကြောင်း ၎င်းက ဖွင့် ဟသည်။ အပေါင်းအသင်းများကြား နာ မည်ကြီးလိုသည့်စိတ်ကလည်း ဆောင်နေ သဖြင့် ဘေးမှလူများပြောသမျှကို ယုံပြီး ထင်တိုင်းကြဲခဲ့မိကြောင်း ၎င်းက ပြောပြ သွားခဲ့သေးသည်။ ထိုငွေဖြင့် ရင်သားခွဲ စိတ်ပြုပြင်ခြင်း၊ နာမည်ကြီးအမှတ်တံဆိပ် အဝတ်အစားများ၊ လက်ကိုင်အိတ်များ၊ အသုံးအဆောင်များ ဝယ်ခြင်း၊ မိတ်ဆွေ အပေါင်းအသင်းနှင့် မိသားစုကိုလည်း လက်ဆောင်အကောင်းစားများ ဝယ်ပေး ခြင်း၊ ခရီးထွက်ခြင်းတို့ကြောင့် နောက်ဆုံး တွင် မိမိလက်ထဲ ငွေတစ်ပြားမှမကျန်တော့ ဟု ၎င်းက ဆိုသည်။

ကမ္ဘာ့အကြီးဆုံး အရောင်စုံ အီစတာကြက်ဥကြီး

အရောင်အမျိုးအစား စုံလင်လှသည့် ကြီးမားလှတဲ့ အီစတာကြက်ဥကြီးကို ဆလိုဗက်ကီးယားနိုင်ငံ Lemesany တွင် ၂၀၁၈ ခု မတ်လ ၂၄ ရက်နေ့၌ ဖွင့်လှစ်ပြသခဲ့ပါသည်။ ထိုအီစတာကြက်ဥကြီးသည် ၅.၀၈ မီတာ မြင့်ကာ ၃.၀၈ မီတာ အကျယ် ရှိပါသည်။ အလေးချိန်အားဖြင့် 800 kg ရှိပါသည်။

ထိုအရောင်စုံ လှပနေသည့် အီစတာကြက်ဥကြီးတစ်ခုလုံးကို အရောင်စုံ ပလက်စတစ်ပုလင်းအဖုံးများဖြင့် တည်ဆောက်ထားပြီး လှပစေရန် နေရာချတည်ဆောက်ထားခြင်း ဖြစ်ပါသည်။ ထိုကဲ့သို့ တည်ဆောက်ပြီးစီးစေရန် အချိန်တစ်နှစ်ခန့် စုဆောင်းပြင်ဆင်ခဲ့ရခြင်း ဖြစ်ပါသည်။

အသက်ခုနစ်နှစ်အရွယ်လူသားနဲ့ ဥာဏ်ရည်ချင်းတူတဲ့ ကျီးများ

ကျီးတွေဟာ ကမ္ဘာပေါ်မှာရှိနေတဲ့ အပါးနပ်ဆုံးသတ္တဝါတွေစာရင်းဝင်ပါတယ်။ သူတို့ဟာ အဆင့်မြင့်နို့တိုက်သတ္တဝါမျိုးစိတ်မဟုတ်ပါဘဲ ကိရိယာ တန်ဆာပလာတွေကို ဖန်တီးပြီး သုံးတတ်တဲ့ ဥာဏ်ကြီးရှင်တွေပါ။

စမ်းသပ်ချက်တစ်ခုမှာဆို သူတို့ အရင်က လုံးဝ မမြင်ဖူးခဲ့တဲ့ နန်းကြိုးမျှင်ကို ကွေးပြီး ကိရိယာတစ်ခုလို သုံးပြသွားတာတောင် တွေ့ခဲ့ရပါတယ်။

အတော်လေး ခဲခဲယဉ်းယဉ်း ဖြေရှင်းရမယ့် အဆင့် ၈ ဆင့်ပါ ပဟေဠိတစ်ခုကို ဖန်တီးပြီး သူတို့ကို စမ်းသပ်ကြည့်တဲ့အခါမှာလည်း ကျီးတစ်ကောင်ဟာ အဆင့်အားလုံးကို အောင်အောင်မြင်မြင် ဖြတ်ကျော်ပြခဲ့ပြီး ဆုအဖြစ်ထားရှိတဲ့ အစာတွေဆီကို အရောက်သွားနိုင်ခဲ့တာကို တွေ့ရပါတယ်။

ပင်လယ်ရေက ဘာကြောင့် လူကို ရေပိုဆာစေတာလဲ

ပင်လယ်ဆားငံရေဟာ ဆားဓါတ်သိပ်သည်းစွာ ပါဝင်တဲ့အတွက် သင့်ကိုရေပိုဆာစေပါတယ်။
ခန္ဓာကိုယ်မှာရှိတဲ့ ဆဲလ်လေးတွေထဲမှာ ရေဓါတ်နဲ့ ဆားဓါတ်ပါဝင်ပါတယ်။ ဆဲလ်ပေါ်ယံလွှာလေးဟာ ခန္ဓာကိုယ်မှာရှိတဲ့ ဆားဓါတ်၊ ရေဓါတ်ကို ထိန်းသိမ်းပေးဖို့ ဆဲလ်တွင်းရှိ ရေဓါတ်နဲ့ ဆားဓါတ်ကို လိုသလို စစ်ထုတ်ပေးပါတယ်။ သင်က ပင်လယ်ရေကို သောက်လိုက်တဲ့အခါမှာ ခန္ဓာကိုယ်ထဲမှာ ဆားဓါတ်လွန်ကဲမှုဖြစ်သွားပါတယ်။ အဲဒီအခါမှာ သိပ်သည်းလာတဲ့ ဆားဓါတ်ကိုပြန်ဖြေဖို့ အတွက် ဆဲလ်လေးထဲမှာရှိတဲ့ ရေဓါတ်ကို အပေါ်လွှာကစစ်ထုတ်ပေးလိုက်ပါတယ်။
အဲဒါကြောင့် ပင်လယ်ရေသောက်ရင် ရေဆာမပြေတဲ့အပြင် ရေဓါတ်ပိုပြီး မြန်မြန်ခမ်းခြောက်သွားစေပါတယ်။ ထို့နည်းတူဘဲ ရေအလွန်အကျွံသောက်ရင်လည်း ခန္ဓာကိုယ်ထဲမှာရှိတဲ့ဆားဓါတ်တွေက ရေကြောင့် သိပ်သည်းဆနည်းသွားပါတယ်။ သိပ်သည်းဆနည်းသွားတဲ့ ဆားဓါတ်ကို ဖြည့်တင်းဖို့ ဆဲလ်လေးတွေက သူတို့မှာရှိတဲ့ ဆားဓါတ်ကို စစ်ထုတ်ပေးပါတယ်။
အဲဒီအခါမှာ water intoxication ဖြစ်ပြီး သေစေနိုင်တဲ့အထိလူကို အန္တရာယ်ပေးနိုင်ပါတယ်။
Credit:Lucky Trip Tour Agent