အိန္ဒိယနိုင်ငံက
သိပ္ပံပညာရှင်များဟာ အိန္ဒိယနိုင်ငံ အနောက်စွန်ဆုံးမှာ တည်ရှိတဲ့ ဂူဂျာရတ် ပြည်နယ်ရဲ့
နောက်ပိုင်းမှာ မျိုးသုဉ်းသွားပြီဖြစ်တဲ့ ပင်လယ်သွားတွားသတ္တဝါ Ichthyosaur ရဲ့ နှစ်
၁၅၂ သန်း သက်တမ်းရှိပြီဖြစ်တဲ့ ကျောက်ဖြစ်ရုပ်ကြွင်းကို တူးဖော်တွေ့ရှိခဲ့ပါတယ်။
ဒါဟာ
ichthyosaur လို့ခေါ်တဲ့ တွားသွားပင်လယ်နေသတ္တဝါတစ်မျိုးရဲ့ ကျောက်ဖြစ်ရုပ်ကြွင်းကို
အိန္ဒိယနိုင်ငံမှာ ပထမဆုံးအကြိမ်တွေ့ရှိခြင်းလည်း ဖြစ်ပါတယ်။ ဒီကျောက်ဖြစ်ရုပ်ကြွင်းကို
တွားသွားသတ္တဝါတွေ အားအကြီးဆုံးဖြစ်ခေတ်ဖြစ်တဲ့ Mesozoic ခေတ်ကတည်းကဖြစ်ပေါ်ခဲ့တဲ့ ကျောက်တုံးတစ်တုံးထဲမှာ
တွေ့ခဲ့တာ ဖြစ်ပါတယ်။
တူးဖော်မှုကို
ဦးဆောင်သူ ပါမောက္ခ VR ပရာဆတ် ကတော့ ၁၈ ပေခန့်ရှည်လျားတဲ့ ကျောက်ဖြစ်ရုပ်ကြွင်းတစ်ခုလုံးနီးပါးကို
တူးဖော်ပြီးပြီဖြစ်ပေမဲ့ ဦးခေါင်းရိုးနဲ့ အမြီးရိုးကိုတော့ မတူးဖော်ရသေးဘူးလို့ဆိုပါတယ်။
ဒီလေ့လာချက်ကို
Plos One science ဂျာနယ်မှာ ပုံနှိပ်ခဲ့ပြီး “ဒီတွေ့ရှိချက်ဟာ အိန္ဒိယမှာ
ichthyosaur လိုပင်လယ်နေသတ္တဝါတွေ နေဖူးတယ်ဆိုတဲ့ အထောက်အထားဖြစ်သလို အိန္ဒိယနိုင်ငံဟာ
Jurassic ခေတ်ကာလမှာ တခြားနိုင်ငံတွေ နည်းတူ ဇီဝဗေဒဆိုင်ရာ ဆက်သွယ်ချက်တွေ ရှိနေကြောင်း
သက်သေပြချက်လည်း ဖြစ်ပါတယ်။” လို့ ပရာဆတ်က ဆိုပါတယ်။
Credit:လူမို
(ရိုးရာလေး)
No comments:
Post a Comment
COMMENT လေးများပေးပြီး ဆွေးနွေးပေးပါအုံး...
COMMENT ပေးရန်blogger အကောင့်ဖြင့်ဖြစ်စေ၊
Name/ URL(လိပ်စာတစ်ခုခု)ဖြင့်ဖြစ်စေ၊ အမည်မဖော်လိုလျှင်
Anonymous ဖြင့်ဖြစ်စေ ဆွေးနွေးနိုင်ပါသည်။