နယ်သာလန်က ရုပ်သံအစီအစဉ်ပါဝင်သူ အကောင်းမြင်သမား ဂုရုကြီး ရက်တယ်ဘန်းက အသက်ဆိုတာ တကယ်တော့ နံပါတ်တစ်ခုပဲလို့ ယူဆသူဖြစ်ပါတယ်။ အသက် ၆၉ နှစ်ရှိပြီဖြစ်တဲ့ အဆိုပါအမျိုးသားကြီးဟာ သူ့ကိုယ်သူအသက် ၄၉ နှစ်ဖြစ်အောင်မွေးနေ့ကို ပြောင်းပေးဖို့ တရားရုံးမှာ လျှောက်ထားခဲ့ပါတယ်။ ကိုယ့်လိင်စိတ်တိမ်းညွတ်မှု၊ အမည် စတာတွေကို ကိုယ်ပိုင်ခွင့်ရှိသလို ကိုယ့်အသက်ကိုလည်း ကိုယ်ပဲ ပြဋ္ဌာန်းနိုင်ရမယ်လို့ သူက ယုံကြည်ပါသတဲ့။ နယ်သာလန်နဲ့ ကမ္ဘာအနှံ့အပြားမှာ တရားဝင်လက်ခံနေတဲ့ ကိုယ့်ပုဂ္ဂိုလ်ရေးပုံသဏ္ဍန်တွေမှာ အသက်လည်း ပါဝင်နိုင်ခွင့်ရှိရမယ်လို့ သူက ဥပဒေအရ လျှောက်ထားပါသတဲ့။ “လွတ်လပ်စွာ ရွေးချယ်ခွင့်ရှိပါတယ်။ အမည်၊ ကျား၊ မ လိင်စိတ်တိမ်းညွတ်မှုတွေကို ရွေးခွင့်ရှိသလို ကျွန်တော့်ကိုယ်ပိုင်အသက်ကိုလည်း ရွေးချယ်ပိုင်ချင်ပါတယ်။ ကိုယ့်ကိုယ်ကိုယ် ထိန်းချုပ်ခွင့်ရချင်တယ်”လို့ သူက ဆိုပါတယ်။ လူ့အဖွဲ့အစည်းအတွင်းမှာရှိတဲ့ အသက်အရ ခွဲခြားဆက်ဆံခြင်းကို ရှောင်ရှားချင်ပါသတဲ့။ အထူးသဖြင့် ချစ်သူရှာတဲ့ အင်တာနက် စာမျက်နှာတွေမှာပေါ့။
Cedit:The Voice News Journal
No comments:
Post a Comment
COMMENT လေးများပေးပြီး ဆွေးနွေးပေးပါအုံး...
COMMENT ပေးရန်blogger အကောင့်ဖြင့်ဖြစ်စေ၊
Name/ URL(လိပ်စာတစ်ခုခု)ဖြင့်ဖြစ်စေ၊ အမည်မဖော်လိုလျှင်
Anonymous ဖြင့်ဖြစ်စေ ဆွေးနွေးနိုင်ပါသည်။