ခန္ဓာကိုယ်မှ အလိုအလျောက်မီးထတောက်လောင်ကျွမ်းမှုများ (၁)

ခန္ဓာကိုယ်မှ အလိုအလျောက် မီးထတောက်လောင်ကျွမ်းခြင်းဆိုတာ ပြင်ပမှပယောဂမပါဘဲ ခန္ဓာကိုယ်တွင်း မှပြင်းထန်လှသော မီးတောက် မီးလျှံများ အလိုလိုထွက်လာပြီး သေဆုံးသွားစေသည်အထိ လောင်မြှိုက်ခြင်းကို ဆိုလိုတာပါ။

သည်လိုသဘာဝလွန်အဖြစ်မျိုးကို သိပ္ပံပညာရှင်များက သေသေခြာခြာ လေ့လာထားပြီး Spontaneous Human Combustion (SHC) ဟု အမည်ပေးထားပါတယ်။ အများအားဖြင့် ရာဇဝတ်ပြစ်မှုများလားဟု ထင်စရာရှိသဖြင့် သက်ဆိုင်ရာအာဏာပိုင်များနှင့် မှုခင်းဆရာဝန်များ နှင့်အတူ သိပ္ပံပညာရှင်များပါ ပေါင်းစပ်လေ့လာကာ အလိုအလျောက် မီးလောင်ကျွမ်းမှု အဖြစ်အပျက်များဟု မှတ်တမ်းတင်ထားခြင်းဖြစ်ပါတယ်။

ဒီလိုလောင်ကျွမ်းမှုများကို ခေတ်အဆက်ဆက် မှတ်တမ်းတင်ထားခဲ့ကြပါတယ်။ ပညာရှင် အသီးသီး၏ သုတေသနပြုချက် စာအုပ်စာတမ်းများလည်း များစွာ ထုတ်ဝေခဲ့ပါတယ်။ အစောဆုံးမှတ်တမ်းအဖြစ် ၁၆၀၀ ပြည့်နှစ်မှသည် ယနေ့ အထိဆိုလျှင်မှတ်တမ်း ၂၀၀ ကျော်လောက်ရှိပါပြီ။ နီးနီးစပ်စပ်အဖြစ်များနှင့် ထူးထူးခြားခြားဖြစ်ခဲ့သည်များကို ဆက်လက်ပြီးတင်ပြပေးပါမည်။

၁၉၃၈ ခုတွင် အင်္ဂလန်နိုင်ငံ ၊ နော်ဖို့ မြို့ကမ်းလွန်တွင် မေရီကာပင်တာ ဆိုသူအမျိုးသမီးသည် မော်တော်ဘုတ်ပေါ်တွင် ခင်ပွန်း သားသမီးများ နှင့်အတူ မတ်တပ်ရပ်နေပါတယ်။ ထိုအချိန်တွင်ရုတ်တရက် မေရီကိုယ်ပေါ် မှမီးတောက်မီးလျှံများ ထွက်လာပါတယ်။ မိသားစုဝင်များသည် မကြုံဖူးသဖြင့် အံ့သြကာကြောင်၍ကြည့်နေမိကြပါတယ်။ သတိဝင်ပြီးမီးငြိမ်းသတ်ရန်လုပ်ချိန်တွင်တော့ မေရီတစ်ယောက်မှာ ပြာတောင်ကျသွားရှာပါပြီ။ အဖြစ်အပျက်မှာ လျှင်မြန်လွန်းလှပါတယ်။ ထိုသို့ လောင်ကျွမ်းရာတွင်လည်း အနီးရှိမိသားစု တစ်ဦးတစ်ယောက်မှ လောင်ခြင်း ကူးစပ်ခြင်းမျိုးလုံးဝမရှိပဲ မေရီ တစ်ဦးတည်းသာ လောင်ကျွမ်းပြာကျသွားခြင်းဖြစ်ပါတယ်။

ဒါကတော့ မိသားစုဝင်များရှေ့တွင်ထင်ထင်ရှားရှားလောင်ကျွမ်းပြီးအဖြေရှာရခက်တဲ့ အဖြစ်တစ်ခုပါ။ နောက်ထပ်အပိုင်းများတွင် ထိုကဲ့သို့ သဘာဝလွန်မီးလောင်ကျွမ်းမှု အဖြစ်အပျက်များနှင့် ပညာရှင်များ၏ ဖြစ်ပွားရခြင်း အကြောင်းအရင်း ကောက်ချက်ချထားမှုများကို ဆက်လက်တင်ပြပါမည်။ ဆက်လက်အားပေးကြပါအုံးခင်ဗျာ………

Jul 18, 2013 မှ ပိုစ့်အား ပြန်လည်ပြင်ဆင် တင်ပြထားပါသည်။

သူငယ်ချင်းတို့ ပျော်ရွှင်ချမ်းမြေ့ကြပါစေ…………နေခရမ်း