Wednesday, March 29, 2017

လူဦးရေ ၆၀ သာရှိတဲ့မြို့တစ်မြို့လုံးကို ရောင်းချမည်


ဒေါ်လာ ၁.၅ သန်း အပိုရှိပါသလား။ ဒါဆိုရင် တချိန်က အမှိုက်သန့်စင် ကုမ္ပဏီ က လုပ်သားတွေအတွက် တည်ဆောက်ပေးတဲ့ မြို့လေးတစ်မြို့ဖြစ်တဲ့ ရီဒက်ရှင်းဟာ သင်ပိုင်ဆိုင်တဲ့မြို့ဖြစ်လာတော့မှာပါ။
မြို့မှာ လူဦးရေ ၆၀ သာရှိပြီး လူဦးရေများပြားစဉ်က ၄၀၀ ခန့်ရှိခဲ့ပါတယ်။ သူတို့ဟာ သပ်ရပ်တဲ့အုတ်စီအိမ် ၁၉ လုံးမှာ နေထိုင်ပြီး ပြီးခဲ့တဲ့ နှစ် ၇၀ စလုံး စတောဝိုဗီမိသားစုကို အိမ်ငှားခ ပေးခဲ့ကြပါတယ်။
အမေရိကန်ရီဒက်ရှင်းကုမ္ပဏီက တည်ဆောက်တဲ့ ဒီစက်ရုံဟာ ၂၀ ရာစုအစောပိုင်းက ပစ်စဘတ်မြို့က အမှိုက်တွေကို သန့်စင်ရှင်းလင်းခဲ့ပြီးနောက် ၁၉၃၆ ခုနှစ်မှာ ပိတ်သိမ်းခဲ့ပါတယ်။
အလုပ်သမားတွေဟာ တိရစ္ဆာန်အသေကောင်တွေကို အဆင့်ဆင့်ပြန်လည်သန့်စင်အသုံးချသလို အိမ်သုံးပစ္စည်းအဟောင်း တွေထဲက သတ္ထုတွေကို ဖယ်ထုတ်ပြီး ပြန်ရောင်းချခဲ့ကြပါတယ်။
“ဒါက မူလဘူတ ရီဆိုက်ကယ်စက်ရုံကြီးပါ” လို့ ရီဒက်ရှင်းမြို့ကို သူ့မွေးချင်း ၃ ယောက်နဲ့အတူ ပိုင်ဆိုင်တဲ့ ဒေးဗစ် စတောဝိုဗီက ပြောပါတယ်။
၁၉၄၈ မှာ ဒေးဗစ်ရဲ့အဖေ ဂျွန်ဟာ အနီးပတ်ဝန်းကျင်က မြေတစ်ကွက်ကို ပိုင်ဆိုင်ပြီးနောက် သူ့တိုးပွားလာတဲ့ မိသားစုအတွက် ရီဒက်ရှင်းထဲက ပိုကြီးတဲ့အိမ်တစ်အိမ်ကို ၀ယ်ဖို့ ဆုံးဖြတ်ခဲ့ပါတယ်။ အဲဒီအချိန်မှာ သူဟာ မြို့မှာ ရွေးချယ်စရာ အိမ် ၂၈ လုံးအထိ ရှိခဲ့ပါတယ်။
“အဖေနဲ့ အမေက သူတို့ကိုယ်ပိုင်နေရာကို လိုချင်တယ်” လို့ ဒေးဗစ်စတောဝိုဗီက ပြောပါတယ်။
သူ့အဖေဟာ အိမ်အားလုံးကို ၀ယ်ယူခဲ့ပြီး ဒေါ်လာ ၁၀၀၀၀ အထိ ပေးချေခဲ့ပါတယ်။ ဒီဆုံးဖြတ်ချက်ကို သူ ဘယ်တော့မှ နောင်တရမှာမဟုတ်ဘူးလို့ သူ့သားက ပြောပါတယ်။
အခုတော့ ဒေးဗစ်ဟာ သူအသက်အရွယ်အိုမင်းလာပြီး မိဘတွေကလည်း မကြာသေးခင်ကမှ ဆုံးပါးသွားတာကြောင့် ရီဒက်ရှင်းမြို့ကို ရောင်းတော့မယ်လုိ့ ဆိုပါတယ်။ သူရောင်းချမှသာ သူ့မွေးချင်းတွေလည်း အမွေရလိမ့်မယ်လို့ ပြောပါတယ်။
Ref: Reuters, Mar 28th
Credit: Kumudra 

No comments:

Post a Comment

COMMENT လေးများပေးပြီး ဆွေးနွေးပေးပါအုံး...
COMMENT ပေးရန်blogger အကောင့်ဖြင့်ဖြစ်စေ၊
Name/ URL(လိပ်စာတစ်ခုခု)ဖြင့်ဖြစ်စေ၊ အမည်မဖော်လိုလျှင်
Anonymous ဖြင့်ဖြစ်စေ ဆွေးနွေးနိုင်ပါသည်။

Related Posts Plugin for WordPress, Blogger...