ကရင့်ရိုးရာ ကြေးဖားစည်

ကရင်ဘာသာအားဖြင့် “က္လိုအိုဝ်တ္လာအိုဝ်” ဟုခေါ်သည့်
ကရင်ရိုးရာ ကြေးဖားစည်သည် ကရင်ရိုးရာ ယဉ်ကျေးမှု၏
အရေးကြီးဆုံး ပြယုဂ်များတွင် တစ်ခု အပါအ၀င် ဖြစ်သည်။
အလားတူ စည်များကို တရုတ်၊ မွန်ဂိုလ**ယားနှင့် အခြား
အရှေ့တောင်အာရှ ဒေသများတွင် ပျံ့ နှံ့ စွာ တွေ့ ရသည်။
စည်အမျိုးအစား ငါးမျိုးရှိရာတွင် တစ်မျိုးမှာ
ကရင်ဖားစည် ဖြစ်သည်။

ဖားစည်တွင် လုံးရှည်ပုံ ကိုယ်ထည် ရှိသည်။
မျက်နှာပြင်သည် အနည်းငယ်ကျယ်ပြန့် ပြီး
အလယ်ဗဟိုရှိ ကြယ်ကို ၀န်းရံထားသော စုဆုံစက်ဝိုင်း သဏ္ဍာန်မျိုးစုံဖြင့် တန်ဆာဆင်ထားသည်။ မျက်နှာပြင် ထောင့်စွန်းဝန်းကျင်တွင်
လေး သို့ မဟုတ် ခြောက် အရေအတွက် ရှိသော ဖားများ
အကွာအဝေး တူညီစွာ ရှိကြသည်။
ဖားစည်အားလုံးသည် အရွယ်အစား အမျိုးအမျိုး ပြောင်းလဲမှုရှိပြီး
၎င်းတို့ကို သေးငယ်သော လက်ကိုင်နှစ်ခုဖြင့် သယ်ဆောင်ကြသည်။
ဖားစည်၏ မူလအစကို မည်သူမျှ သေချာ မသိပါ။ ကရင်ရိုးရာ
အဆိုအရမူ တစ်နေ့သ၌ ဖူးမော်ထော်ဟု ခေါ်သော
ကရင်အဘိုးတစ်ယောက်သည် သူ့ထံသို့ ဦးတည်လာသော
မျောက်ရိုင်း တစ်အုပ်ကို တွေ့ ရသည်။
အသက်အန္တရယ်ကို ကြောက်ရွံ့ သောကြောင့် သူလည်း
သေချင်ဟန်ဆောင်လိုက်သည်။ ၎င်းအချင်းအရာကို
တွေ့မြင်ရသောအခါ အသုဘ အခမ်းအနားအတွက် အုပ်စုထဲမှ
မျောက်များကို စည်ပြန်ယူခိုင်းလေသည်။ နောက်ဆုံးတွင်
မျောက်များသည် ဖါးစည်(၃)မျိုး ရွှေရောင်၊ ငွေရောင်နှင့်
အဖြူရောင်ဖားစည်များကို ယူဆောင်လာကြသည်။ စည်များကို
တီးခတ်စဉ်အတွင်း ဖူးမော်ထော်က ထထိုင်လိုက်ရာ
မျောက်များက လန့် ပြီး ထွက်ပြေးသောကြောင့်
အဖြူရောင်ဖားစည်သည် ရေထဲသို့  ပြုတ်ကျသွားတော့သည်။
ဖူးမော်ထော်သည် ကျန်ရစ်သော ဖားစည်များကို
ကရင်လူမျိုးများထံ ယူဆောင်လာပြီးချိန်မှစ၍ ၎င်းတို့ သည်
ကရင်လူမျိုးတို့ ၏ အမြတ်နိုးဆုံး အရာများ ဖြစ်သွားကြသည်။
ထိုအချိန်မှစ၍ ဖားစည်များကို ဂုဏ်ပြုသောအားဖြင့်
နှစ်စဉ်နှစ်တိုင်း “က္လိုထူးဂေါ်”နှင့် “က္လိုခွါ့ ဆေး”ပွဲတော်ကို
နှစ်ပေါင်းများစွာ ကျင်းပခဲ့သည်။
@ဖားစည်သံ