အမေရိကန်နိုင်ငံ ၊ ကယ်လီဖိုးနီးယား ပြည်နယ် ၊ Fort Bragg အနီးရှိ MacKerricher မှ ကမ်းခြေသည် ရောင်စုံတောက်ပသော သောင်ပြင်ကြောင့် ကျော်ကြားလူသိများပါသည်။ ထိုကမ်းခြေတစ်လျောက် ရောင်စုံ ဖန်တုံး ၊ ဖန်စလေးများသည် သောင်ပြင်ကျောက်စရစ်ခဲလေးများနှင့် အတူ တည်ရှိနေပါသည်။
အမှန်တော့ ထိုဖန်တုံး ၊ ဖန်စလေးများသည် အလိုအလျောက် ရောက်ရှိလာခြင်း မဟုတ်ပါ။ ၁၉၄၉ ခုနှစ်များအတွင်း၌ ထိုနေရာသည် ဖန်ထည်ပစ္စည်း အမှိုက်များ အများအပြားစွန့်ပစ်ရာ နေရာ တစ်နေရာ ဖြစ်ခဲ့ပါသည်။
သဘာဝကမ်းခြေအလှကို လူတွေက သွားဖျက်စီးခဲ့ပေမယ့် သဘာဝတရားက လှပအောင် ပြုပြင်ပြီး လူသားများကို ပြန်လည်လက်ဆောင် ပေးခဲ့ခြင်း ဖြစ်ပါသည်။ဖန်ကွဲ ဖန်စ အပျက်အစီးများကို ပင်လယ်လှိုင်းလုံးများက သယ်ဆောင် ပွတ်စားခဲ့ပြီး ကမ်းခြေသို့ ပြန်လည်တင်ပေး ခဲ့ပါသည်။
ထိုဖန်ကမ်းခြေရှိ ဖန်တုံးလေးများသည် လူများကို ရှခြင်း ၊ ထိခိုက်စေခြင်း မရှိတော့ပါ။ထိုသည်ပင် သဘာဝမှပေးသော လက်ဆောင် တစ်ခု ဖြစ်ပါသည်။
ယခုအခါ ထိုရောင်စုံလှပနေသော ဖန်ကမ်းခြေသို့ နေ့စဉ်လာရောက် အပန်းဖြေသူ အများအပြား ရှိနေပါသည်။
သူငယ်ချင်းများပျော်ရွှင်ချမ်းမြေ့ကြပါစေ…………နေခရမ်း
No comments:
Post a Comment
COMMENT လေးများပေးပြီး ဆွေးနွေးပေးပါအုံး...
COMMENT ပေးရန်blogger အကောင့်ဖြင့်ဖြစ်စေ၊
Name/ URL(လိပ်စာတစ်ခုခု)ဖြင့်ဖြစ်စေ၊ အမည်မဖော်လိုလျှင်
Anonymous ဖြင့်ဖြစ်စေ ဆွေးနွေးနိုင်ပါသည်။