ကြမ္မာဆိုးများနှင့် ပြိုင်ကားလေးဘတ်စ်တတ်

ကံကြမ္မာဆိုးများနှင့် နာမည်ကျော်ကြာတဲ့ ပြိုင်ကားလေး ဘတ်စ်တတ် အကြောင်းကို

တင်ပြခြင်ပါတယ်။ ဒီပြိုင်ကားလေး၏ မူလပထမပိုင်ရှင်ဟာ နာမည်ကျော်ကြားသော

သရုပ်ဆောင်တစ်ဦးဖြစ်သူ ဂျိမ်းစ်ဒင်း ပါ။ သူဟာ သရုပ်ဆောင်အလုပ်တွင်မက

ပြိုင်ကား စီးရ ၊ မောင်းရတာကိုလည်း ကြိုက်ပါတယ်။ ဒါကြောင့် သူနောက်ဆုံးဝယ်

လိုက်တဲ့ ပြိုင်ကားလေးကို little Bastard လို့အမည်ပေးလိုက်ပါတယ်။

သူ ဒီကားကိုဝယ်ယူစဉ်မှာ နာမည်ကျော်ကြားသော ဆာ အလက် ဂီးနက်စ် က

အရှိန်ပြင်းစွာ မောင်းနိုင်တဲ့ ကားကြောင့် ဂျိမ်းစ်ဒင်း တစ်ယောက်သေနိုင်တယ် လို့

နိမိတ်ဖတ် ဟောကိန်းထုတ်လိုက်ပါတယ်။

        ဂျိမ်းစ်ဒင်း      

ဒီဟောကိန်း အတိုင်းပဲ ၁၉၅၅ ခုနှစ်မှာ ဂျိမ်းစ် တစ်ယောက် ယာဉ်တိုက်မှုဖြစ်ပြီး

ကားပေါ်မှာ သေခဲ့ပါတယ်။ ဂျိမ်းစ်ဟာ ကားကို တစ်နာရီ မိုင်ရှစ်ဆယ်နှုံးမောင်းပြီး

ခေါင်းချင်းဆိုင် တိုက်မိပြီး သေဆုံးခဲ့ပါတယ်။ စုံစမ်းစစ်ဆေးသူများ၏ တွေ့ရှိချက်

အရ ဂျိမ်းစ်တစ်ယောက် မျက်နှာချင်းဆိုင်မောင်းနှင်နေချိန် ရှောင်မယ်ဆို ရရဲ့သားနဲ့၊

ရှောင်ချိန်ရှိရဲ့သားနဲ့ ဘာကြောင့်မရှောင်ခဲ့တာလဲ ဆိုတာ ဝေခွဲမရခဲ့ပါဘူး။ သူတို့ဟာ

ဂျိမ်းစ်၏ ကားမောင်းကျွမ်းကျင်မှု၊ ပရောဖတ်ရှင်နယ် ဖြစ်မှုတွေကိုပါ သိနေသဖြင့် ပိုပြီး

အဖြေထုတ်ရ ခက်ခဲ့ပါတယ်။

ဒီကားလေး၏ လူကို သေစေမှုဟာ ဂျိမ်းစ်တစ်ယောက်ထဲ အတွက်မဟုတ်ပါဘူး။

၁၉၅၉ ခု ဒီကားလေးပျောက်ကွယ်သွားချိန်အထိ နောက်ထပ်လူနှစ်ယောက် ကို သေစေ

ခဲ့ပါသေးတယ်။ ဒါကြောင့်လည်း ဒီကားလေး၏ ကံကြမ္မာဆိုးများအကြောင်း သတင်းကြီး

စေခဲ့ပါတယ်။ အမှတ်တရ ပစ္စည်းဝယ်ယူစုဆောင်းသူများ၏ အကြိုက်ဖြစ်ခဲ့ပြီး အပြိုင်

အဆိုင် ၀ယ်ယူဖို့ ကြိုးစားခဲ့ကြပါတယ်။

အဲဒီလို အမှတ်တရပစ္စည်းစုဆောင်းသူများက ဒီကားလေး၏ အပျက်အစီး အပိုင်အစ

ရယူဖို့ ၊ ခွာယူဖို့ ကြိုးစားကြချိန်မှာလည်း မမျှော်လင့်သော ဘေးအန္တာရာယ်များကျရောက်

ပြီး ဒဏ်ရာအနာတရ ဖြစ်ကြရပါတယ်။

ဒီကားလေးကို ပြုပြင်ပြီးရောင်းဖို့ မိတ်ဆွေတစ်ယောက်က ကြိုးစားပါတယ်။ ဒီလိုကြိုးစား

နေစဉ်မှာ ဒီကားကိုပြုပြင်နေတဲ့ အလုပ်ရုံက စက်ပြင်သမားရဲ့ ခြေထောက်ပေါ် ဒီကားက

ကျလာပြီး ခြေထောက်ကျိုးခဲ့ရပါတယ်။ ပြီး ဆရာဝန်နှစ်ယောက်ကလည်း သူတို့ရဲ့ကား

မှာပြန်သုံးရန် ဒီကားရဲ့ အစိတ်အပိုင်းများကို ၀ယ်ယူခဲ့ကြပါတယ်။

တစ်ယောက်က အသတ်ခံလိုက်ရပြီး ၊ တစ်ယောက်က အပြင်းအထန် ဒဏ်ရာရခဲ့ပါတယ်။

ဒါအပြင် ဒီကား၏ မပျက်မစီးကျန်နေတဲ့ တိုင်ယာနှစ်လုံးကို လူတစ်ယောက်အား ရောင်း

လိုက်ပါတယ်။ ထူးခြားစွာပဲ အဲဒီဘီးနှစ်လုံး လုံးက မောင်းနေစဉ်တစ်ချိန်တည်း ပေါက်သွားလို့

အဲဒီလူကို ဆေးရုံကို ပို့လိုက်ရပါတယ်။ အဲဒီတိုင်ယာနှစ်လုံးကို စစ်ဆေးကြည့်တော့ ဘီးပေါက်

လောက်အောင် ချွတ်ယွင်းချက် ကြီးကြီးမားမား ရှာမတွေ့ပါဘူး။

ဒီလောက် ထိတ်လန့်ဖွယ် ကံကြမ္မာဆိုးများနှင့် ကားကလေးကို နောက်ဆုံးမှာ ကာလီဖိုးနီးယား

အဝေးပြေးလမ်းမှ ကားပြပွဲ ကိုပြသရန် စီစဉ်ကြပါတယ်။ ဒါပေမယ့် ပြပွဲမဖွင့်ခင် ညမှာ အဲဒီပြခန်း

မီးလောင်ပါတယ်။ ကားတွေအားလုံး မီးလောင်ပျက်စီးသွားပေမယ့် ဂျိမ်းစ်ရဲ့ကားကလေးကတော့

မီးညွန့်တောင် အဟတ်မခံရဘဲ မီးဘေးက လွတ်သွားတာကို အံ့သြဖွယ်တွေ့ကြရပါတယ်။

နောက်တော့ ဒီကားလေးကို ဆယ်လီနတ်စ် ကိုသွားဖို့ ထရပ်ကားပေါ်တင်ယူသွားပါတယ်။

ဆယ်လီနတ်စ် ဆိုတာ ဂျိမ်းစ်သေတဲ့နေ့က ဂျိမ်းစ်သွားမယ့် ခရီးပါ။ အဲဒီ ထရပ်ကားဟာ

မောင်းနေစဉ်မှာပဲ ကားမောင်းသူဟာ ယာဉ်ကိုမထိမ်းနိုင်ကာ ဒရိုင်ဘာခန်းမှ ထွက်ကျသွား

ပါတယ်။ ပြီးတော့ သူ့ရဲ့ ထရပ်ကားက ပြန်ကြိတ်မိပါတယ်။ ဂျိမ်းရဲ့ကားလေးကတော့

ထရပ်ကားပေါ်ကနေ အေးအေးဆေးဆေးပဲ လိမ့်ဆင်းသွားပါတယ်။

၁၉၅၉ ခု ဒီကားလေး၏ ဇာတ်သိမ်းကလည်း စိတ်ဝင်စားဖို့ ကောင်းပါတယ်။

ဒီကားကို နောက်တစ်ကြိမ် ပြပွဲလုပ်ဖို့ ကြိုးစားကြပါတယ်။ ဒီတစ်ကြိမ်မှာတော့ ကားကလေးဟာ

ဘာ့ကြောင့်မှန်းမသိရပဲ အပိုင်း ၁၁ ပိုင်းကွဲထွက်သွားပါတယ်။ ဒီကားကို သေသေချာချာ ဂဟေ

ဆော် တွဲစပ် ထားရဲ့သားနဲ့ ဖြစ်သွားရတာပါ။

နောက်ဆုံး ဖလော်ရီဒါ ရဲတပ်ဖွဲ့မှ ဒီကားလေးကို မီယာမီ ရှိ ပြပွဲတစ်ခုမှာ ပြဖို့ကြိုးစားကြပါတယ်။

ကားလေး၏ အစိတ်အပိုင်းတွေကို သစ်သားပျဉ်ချပ်တွေနဲ့ အလုံပိတ်ကာ ထရပ်ကားပေါ်တင်ပြီး

လွှတ်လိုက်ပါတယ်။ ထိုအချိန်မှစကာ ကားကလေးဟာ ပဟေဠိဆန်စွာပဲ ပျောက်ဆုံးသွားပါတယ်။

အဲဒီနောက် စုံစမ်းစစ်ဆေးမှုတွေ လုပ်သော်လည်း နောက်ထပ်ဘယ်တော့မှ ဒီကားလေးကို မတွေ့

ကြရတော့ပါဘူး။

သူငယ်ချင်းတို့ပျော်ရွှင်ချမ်းမြေ့ကြပါစေ ………………. နေခရမ်း